ଗଞ୍ଜାମ: ଗଞ୍ଜାମ ସହରର ଜଣେ ଯୁବ ବଡି ବିଲଡ଼ର ଜି ଡମ୍ବରୁଧର ରାଓ( ୨୦)। ଆସନ୍ତା ୨୨ ତାରିଖରେ ପୁଡୁଚେରୀରେ ହେବାକୁଥିବା ୧୨ତମ ଜୁନିୟର ବଡିବିଲ୍ଡିଂ ଚାମ୍ପିୟନସିପରେ ସେ ଭାଗ ନେଉଥିବା ଜଣାପଡିଛି। ସେ ୫୫ ବର୍ଗ କେଟେଗୋରୀରେ ସୁନ୍ଦର ସ୍ବାସ୍ଥ୍ୟ ପ୍ରତିଯୋଗିତାରେ ଭାଗ ନେବାକୁ ଯାଉଛନ୍ତି।ଆସନ୍ତା ୨୧ ତାରିଖରେ ସେ ପୁଡୁଚେରୀ ଅଭିମୁଖେ ଯାତ୍ରା କରୁଥିବା ଜଣାପଡିଛି। ଗଞ୍ଜାମ ସହରରେ ରହିଥିବା ଜିତେସ ଫିଟନେସରେ ସେ ସିନିୟର ବଡିବିଲ୍ଡର ଜିତେସ ଦାସଙ୍କ ତତ୍ୱାବଧାନରେ ୪ ବର୍ଷ ହେଲା ସୁନ୍ଦର ସ୍ବାସ୍ଥ୍ୟ ଅଭ୍ୟାସ ଜାରି ରଖିଛନ୍ତି। ପ୍ରଥମ ଥର ପାଇଁ ବଡିବିଲ୍ଡିଂ ଚାମ୍ପିୟନସିପରେ ଭାଗ ନେଉଥିବାରୁ ବହୁତ ଉତ୍ସାହିତ ଥିବା ପ୍ରକାଶ କରିଛନ୍ତି। ସେ କିଛିଦିନ ହେଲା ଦିନକୁ ୫ ଘଣ୍ଟା ପର୍ୟ୍ୟନ୍ତ ଅଭ୍ୟାସ କରି ନିଜକୁ ପ୍ରସ୍ତୁତ କରୁଛନ୍ତି। ଗୁରୁ ଜିତେସ ଦାସଙ୍କ ସମେତ ତାଙ୍କ ଅନୁଷ୍ଠାନର ବନ୍ଧୁମାନେ ତାଙ୍କର ସଫଳତା କାମନା କରି ଶୁଭେଛା ଜଣାଇଛନ୍ତି।
Comments are closed.