ଗୁରୁଡିଝାଟିଆ: ସରକାରଙ୍କ ଜନକଲ୍ୟାଣକାରୀ ସୁଭଦ୍ରା ଯୋଜନା ପାଇଁ ମହିଳା ଓ ଯୁବତୀଙ୍କ ମନରେ ଉତ୍ସାହ ଦେଖାଦେଇଛି। ମହିଳାମାନଙ୍କୁ ସଶକ୍ତ କରିବା ପାଇଁ ସରକାର ଏହି ଯୋଜନା ଆଣିଛନ୍ତି। ହେଲେ ଜନସେବା କେନ୍ଦ୍ରଗୁଡିକ ସଠିକ୍ ଭାବେ ଉପଲବ୍ଧ ନହେବା ଯୋଗୁଁଁ ଆବେଦନକାରୀମାନେ ଅସୁବିଧାର ସମ୍ମୁଖିନ ହେଉଛନ୍ତି। କୁମାରପୁର ଏକ ବଡ ପଞ୍ଚାୟତ ହୋଇଥିବା ବେଳେ କାର୍ଯ୍ୟାଳୟ ଠାରୁ ଗାଁଗୁଡିକ ୭/୮ କିଲୋମିଟର ଦୂରରେ ରହିଛି। ବ୍ଲକ ପ୍ରଶାସନ ପକ୍ଷରୁ ଆବେଦନକାରୀଙ୍କୁ ସହଜରେ ସେବା ଉପଲବ୍ଧ କରିବା ପାଇଁ ୨ଟି ଜନସେବାକେନ୍ଦ୍ରକୁ ପଞ୍ଚାୟତ ପାଶ୍ୱବର୍ତ୍ତୀ ସ୍ଥାନରେ ସେବା ଯୋଗାଇବା ପାଇଁ ବ୍ୟବସ୍ଥା କରାଯାଇଛି। ଯାହା ଦ୍ୱାରା କି ପ୍ରାୟ ଦୂରଦୂରାନ୍ତ ଗାଁ ଗୁଡିକରୁ ଆସୁôଥିବା ଆବେଦନକାରୀମାନେ ଉପକାର ପାଇବେ। ହେଲେ ଗାଁର ଶହଶହ ଆବେଦନକାରୀ ସ୍ୱଳ୍ପ ସମୟ ଭିତରେ ସେବା ପାଇବା ପାଇଁ ଆଉ ଏକ ଜନସେବା କେନ୍ଦ୍ର ସୁବିଧା ଯୋଗାଇ ଦେବାର ଆବଶ୍ୟକତା ରହିଛି। ନଚେତ୍ ଆବେଦନକାରୀମାନେ ଅସୁବିଧାର ସମ୍ମୁଖିନ ହେବେ। ଏହାକୁ ଦୃଷ୍ଟିରେ ରଖି ପଞ୍ଚାୟତର ବୁଦ୍ଧିଜୀବି ଓ ଅନେକ ନିର୍ବାଚିତ ପ୍ରତିନିଧି ପ୍ରଶାସନକୁ ନିବେଦନ କରିଛନ୍ତି ଯେ କୁମାରପୁର ଗାଁରେ ଆଉ ଏକ ଜନସେବା କେନ୍ଦ୍ର ସ୍ଥାପନ ହେଲେ ଆବେଦନକାରୀମାନେ ଉପକୃତ ହେବା ସହ ସରକାରୀଙ୍କ ମହତ ଯୋଜନାର ସୁଫଳ ପାଇପାରିବେ।
