ମୋହନା: ଗଜପତି ଜିଲା ମୋହନା ନିକଟସ୍ଥ ରାଇସିଂ ଘାଟିରେ ବସ୍ ଓ ବୋଲେରୋ ମଧ୍ୟରେ ମୁହାଁମୁହିଁ ଧକ୍କା ହୋଇଛି। ଦୁର୍ଘଟଣା ଏତେ ଜୋରଦାର ହୋଇଛି ଯେ ଉଭୟ ଗାଡିର ଚକା ଫାଟିଯାଇଛି। ତେବେ ଏହି ଦୁର୍ଘଟଣାରେ କେହି ଆହତ ହୋଇନଥିବା ବେଳେ ଅଳ୍ପକେ ସମସ୍ତ ଯାତ୍ରୀମାନେ ବର୍ତ୍ତିଯାଇଛନ୍ତି। ବିକ୍ରାନ୍ତ ନାମକ ଏକ ଘରୋଇ ବସ୍ ଦାରିଙ୍ଗବାଡିରୁ ବ୍ରହ୍ମପୁର ଯାଉଥିବାବେଳେ ମୋହନାରୁ ବିରିକୋଟ ଅଭିମୁଖେ ଆସୁଥିବା ଏକ ବୋଲେରୋ ସହ ରାଇସିଂ ଘାଟି ବୁଲାଣିରେ ମୁହାଁମୁହିଁ ଧକ୍କା ହୋଇଥିଲା।
ଦୁର୍ଘଟଣାରେ ବସର ପଛ ଚକ ଏବଂ ବୋଲେରୋର ସମ୍ମୁଖଭାଗ ଚକ ଫାଟିଯାଇଛି। ବୋଲେରୋରେ ୪ଜଣ ଯାତ୍ରୀ ଥିବାବେଳେ କେହି ମଧ୍ୟ ଆହତ ହୋଇନାହାନ୍ତି। ସେହିପରି ବସରେ ଥିବା ଯାତ୍ରୀମାନେ ବି ସମସ୍ତେ ସୁରକ୍ଷିତ ଅଛନ୍ତି। ମୋହନା ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
Comments are closed.