ମୋହନା: ଗଜପତି ଜିଲ୍ଲା ମୋହନା ଥାନା ଅନ୍ତର୍ଗତ କରଚବାଡି ପଞ୍ଚାୟତ ଅଧିନ ପଲ୍ଲିଗଜପତି ଗ୍ରାମ ନିକଟ ୩୨୬ ଜାତୀୟ ରାଜପଥ ବୁଲାଣିଠାରେ ସୋମବାର ଘଟିଛି ଏକ ମର୍ମନ୍ତୁଦ ସଡ଼କ ଦୁର୍ଘଟଣା। ମୋହନାଠାରୁ ବିରିକୋଟ ପଞ୍ଚାୟତ ଅନ୍ତର୍ଗତ ଉଲିଆପଦା ଗ୍ରାମକୁ ମୋହନା ପଟୁ ଯାଉଥିବା ଏକ କାର ସହ ଅପରପାର୍ଶ୍ଵ ମାଣ୍ଡିମେରା ପଞ୍ଚାୟତ ଅଧିନ ବିକ୍ରମପୁର ଗ୍ରାମରୁ ମୋହନାକୁ କୌଣସି କାମରେ ଆସୁଥିବା ଏକ ବାଇକ ମୁହାଁମୁହିଁ ଧକ୍କା ହୋଇଥିଲା। ଫଳରେ ଘଟଣାସ୍ଥଳରେ ବାଇକ ଚାଳକ ଓ ଆରୋହୀ ମାଣ୍ଡିମେରା ଗ୍ରାମର ଜାକୋବ ବର୍ଦ୍ଧନ(୨୧) ଓ ସୁବିତ ବର୍ଦ୍ଧନ(୧୯) ରାସ୍ତା କଡ଼କୁ ଛିଟିକି ହୋଇ ପଡ଼ିଥିଲେ। ଗ୍ରାମବାସୀ ଖବର ପାଇ ସଙ୍ଗେ ସଙ୍ଗେ ୧୦୮କୁ ଖବର ଦେଇଥିଲେ। ଖବର ପାଇ ଆମ୍ବୁଲାନ୍ସ ଘଟଣା ସ୍ଥଳରେ ପହଞ୍ଚି ଉଭୟ ଗୁରୁତରଙ୍କୁ ଉଦ୍ଧାର କରି ସ୍ଥାନୀୟ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ଚିକିତ୍ସା ସମୟରେ ଜାକୋବଙ୍କ ମୃତ୍ୟୁ ଘଟିଥିବା ବେଳେ କିଛି ସମୟ ପରେ ସ୍ୱାସ୍ଥ୍ୟକେନ୍ଦ୍ରରେ ସୁବିତ ମଧ୍ୟ ଆଖି ବୁଜିଥିବା ଡାକ୍ତର ସୂଚନା ଦେଇଥିଲେ। ଉଭୟ ଗୁରୁତରଙ୍କର ମୁଣ୍ଡ, ଛାତି ଓ ଗୋଡରେ ଗଭୀର ଆଘାତ ଲାଗିଥିବା ବେଳେ କାର ଚାଳକ ଶ୍ରୀକାନ୍ତ ପଣ୍ଡା ମଧ୍ୟ ଆହତ ହୋଇଥିବା ଜଣାପଡିଛି। ଖବର ପାଇ ଘଟଣାସ୍ଥଳରେ ମୋହନା ଥାନା ଅଧିକାରୀ ସୁଜିତ କୁମାର ନାୟକ ଓ ଏସଆଇ କୃଷ୍ଣଚନ୍ଦ୍ର ମଳିକ ପହଞ୍ଚି ଘଟଣାର ଅନୁଧ୍ୟାନ କରୁଥିବା ଜଣାପଡିଛି।
Popular Categories
Previous article
Next article