ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଙ୍ଗଳବାର ରୁଷ୍ ରାଷ୍ଟ୍ରପତି ଭ୍ଲାଦିମିର୍ ପୁଟିନଙ୍କ ସହ ଫୋନରେ ଆଲୋଚନା କରି ତାଙ୍କୁ ୭୩ତମ ଜନ୍ମଦିନର ଶୁଭେଚ୍ଛା ଜଣାଇଛନ୍ତି। ଏହି ଆଲୋଚନାରେ ଉଭୟ ନେତା ଭାରତ-ରୁଷ୍ ସମ୍ପର୍କକୁ ନିବିଡ କରିବା ଦିଗରେ ନିଜ ପ୍ରତିବଦ୍ଧତା ଦର୍ଶାଇଛନ୍ତି। ପ୍ରଧାନମନ୍ତ୍ରୀ ମୋଦୀ ପୁଟିନଙ୍କୁ ତାଙ୍କ ସ୍ବାସ୍ଥ୍ୟ ଓ ସଫଳତା ପାଇଁ ଶୁଭକାମନା ଦେଇଛନ୍ତି। ଆଲୋଚନା ସମୟରେ ମୋଦୀ ଏହା ମଧ୍ୟ କହିଛନ୍ତି କି ପୁଟିନଙ୍କୁ ଭାରତରେ ସ୍ବାଗତ କରିବା ପାଇଁ ସେ ଉତ୍ସୁକ। ଭାରତରେ ଆୟୋଜିତ ହେବାକୁ ଥିବା ୨୩ତମ ଇଣ୍ଡିଆ-ରୁଷ୍ ବାର୍ଷିକ ସମ୍ମିଳନୀରେ ଏହି ସାକ୍ଷାତ ହେବ। ଏହି ସମ୍ମିଳନୀ ମାଧ୍ୟମରେ ଉଭୟ ଦେଶ ବିଭିନ୍ନ କ୍ଷେତ୍ରରେ ସହଯୋଗ ଓ ବିସ୍ତାରିତ ଦିଗରେ ନୂଆ ଯୋଜନା ପ୍ରସ୍ତୁତ କରିବେ। ଫୋନ ଯୋଗେ ହୋଇଥିବା ଆଲୋଚନାରେ ଉଭୟ ନେତା ବ୍ୟାପାର, ରକ୍ଷା, ବିଜ୍ଞାନ ଓ ପ୍ରଯୁକ୍ତିବିଦ୍ୟା ଭଳି ଗୁରୁତ୍ବପୂର୍ଣ୍ଣ ପ୍ରସଙ୍ଗ ଉପରେ ଆଲୋଚନା କଲେ। ଭାରତ ଓ ରୁଷ୍ ମଧ୍ୟରେ ଅନେକ ସମୟ ଧରି ରାଜନୈତିକ ସମ୍ପର୍କ ଉତ୍ତମ ରହିଛି ଏବଂ ଲଗାତାର ଉଭୟ ଦେଶ ଏହି ଦିଗରେ ନୂତନ ପ୍ରଚେଷ୍ଟା କରୁଛନ୍ତି।
Popular Categories
Previous article
Next article