କଣ୍ଟିଆଗଡ଼ ଗ୍ରାମରୁ ସୁନା,ରୁପା ଅଳଙ୍କାର ଓ ଦାମି ମୋବାଇଲ ଚୋରି ଅଭିଯୋଗ

ଗଞ୍ଜାମ : ରମ୍ଭା ଥାନା ଅନ୍ତର୍ଗତ କଣ୍ଟିଆଗଡ଼ ଗ୍ରାମରେ ରବିବାର ବିଳମ୍ବିତ ରାତ୍ରରେ ଚୋରି ହୋଇଥିବା ଅଭିଯୋଗ ହୋଇଛି । ଦୁର୍ବୁତ୍ତ ମାନେ ସୁନା, ରୁପା ଅଳଙ୍କାର ଓ ଦାମି ମୋବାଇଲ ଚୋରି କରି ଚମ୍ପଟ ମାରିଥିବା ହୁମ୍ମା ଫାଣ୍ଡିରେ ଅଭିଯୋଗ ହୋଇଛି । ଏନେଇ ପୋଲିସ ଘଟଣା ସ୍ଥଳରେ ପହଂଚି ତଦନ୍ତ ପ୍ରକ୍ରିୟା ଜାରି ରଖିଛି। ମିଳିଥିବା ସୁଚନାନୁଯାୟୀ ଗତକାଲି ବିଳମ୍ବିତ ରାତ୍ରରେ କାଳୁ ପଲାଇଙ୍କ ପରିବାର ଦାଣ୍ଡଘରେ ଶୋଇଥିବା ବେଳେ ଏହା ର ସୁଯୋଗ ନେଇ ଦୁର୍ବୁତ୍ତମାନେ ଘରେ ପଶି ମଝି ଘରେ ଥିବା ଟିଣ ପେଡିଟିକୁ ଉଠାଇ ନିକଟସ୍ଥ ଜଙ୍ଗଲ ମଧକୁ ନେଇ ଯାଇଥିଲେ। ସେଥିରେ ରହିଥିବା ୧୦ ଗ୍ରାମ ଓଜନର ସୋରିସିଆ ମାଳି, ୫ଗ୍ରା ଓଜନର ମଙ୍ଗଳସୁତ୍ର, ଗୋଟିଏ ମୁଦି ସୁନା ଅଳଙ୍କାର ସହ କିଛି ନଗଦ ଟଙ୍କା ଚୋରି କରି ନେଇଯାଇଥିବା ବେଳେ ପେଡିଟିକୁ ନିକଟସ୍ଥ ଜଙ୍ଗଲରେ ଫିଙ୍ଗି ଦେଇ ଥିଲେ। ସେହିପରି ଗ୍ରାମର ଏକ ଅର୍ଦ୍ଧ ନିର୍ମିତ ଘରେ କିଛି ଯୁବକ ଶୋଇଥିବା ବେଳେ ଅନୀଲ ପ୍ରଧାନ ଓ ଅଜୟ ପ୍ରଧାନଙ୍କ ଦାମି ମୋବାଇଲ ମଧ୍ୟ ଚୋରି ହୋଇଯାଇଥିବା ଅଭିଯୋଗ ହୋଇଛି ।
ଯାହାକୁ ନେଇ ସ୍ଥାନୀୟ ଅଞ୍ଚଳରେ ପୋଲିସ ପେଟ୍ରୋଲିଂ କଡାକଡି କରିବା ପାଇଁ ସ୍ଥାନୀୟ ଅଞ୍ଚଳବାସୀଙ୍କ ପକ୍ଷରୁ ଦାବୀ ହେଉଛି।

Comments are closed.