ବିଶ୍ରା : ଅପେରା ଦେଖି ଫେରୁଥିବାବେଳେ ଜନୈକା ନାବାଳିକାଙ୍କୁ ଅପହରଣ ପରେ ବଳାତ୍କାର କରାଯାଇଥିବା ଅଭିଯୋଗ ହୋଇଛି। ବଳାତ୍କାର ପରେ ନାବାଳିକାଙ୍କୁ ଦୁର୍ବୃତ୍ତ ଭୟଭୀତ କରି ନିଛାଟିଆ ସ୍ଥାନରେ ଛାଡ଼ି ପଳାଇଥିଲେ। ପୀଡ଼ିତା ନାବାଳିକା ସକାଳେ ଥାନାରେ ପହଞ୍ଚି ଅଭିଯୋଗ କରିବା ସହ ନ୍ୟାୟ ଭିକ୍ଷା କରିଛି। ସୂଚନାଥାଉକି ବିଶ୍ରା ଥାନା ଅନ୍ତର୍ଗତ ତେତେରକେଲାରେ ଚାଲିଥିବା ଅପେରା ଦେଖିବାକୁ ନାବାଳିକା ଜଣକ ଯାଇଥିଲା। ସେଠାରୁ ଫେରୁଥିବାବେଳେ କିଛି ଦୁର୍ବୃତ୍ତ ତାଙ୍କୁ ଉଠାଇ ନେଇ ନିଛାଟିଆ ସ୍ଥାନରେ ବଳାତ୍କାର କରିଥିବା ନାବାଳିକା ଅଭିଯୋଗ କରିଛନ୍ତି। ଏ ନେଇ ପୀଡ଼ିତା ଅଭିଯୋଗ କରିବା ପରେ ପୁଲିିସ ମାମଲା ରୁଜୁ କରିଥିଲା। ଡିଏସପି ନିର୍ମଳ ମହାପାତ୍ରଙ୍କ ନେତୃତ୍ବରେ ଆଇଆଇସି ଜ୍ୟୋତିରଞ୍ଜନ ପତି ସଦଳବଳେ ଚଢ଼ଉ କରି ୫ ଜଣଙ୍କୁ ଅଟକ ରଖି ତଦନ୍ତ କରୁଥିବା ଜଣାପଡ଼ିଛି। ଏ ଘଟଣା ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି। ରାଉରକେଲାରେ ବିଗତ ଦିନରେ ନାବାଳିକା ଗଣବଳାତ୍କାର ଘଟଣା ଲୋକଙ୍କ ମନରୁ ଲିଭି ନ ଥିବାବେଳେ ବିଶ୍ରାରେ ଏଭଳି ଘଟଣା ତୀବ୍ର ପ୍ରତିକ୍ରିୟା ସୃଷ୍ଟି କରିଛି। ପ୍ରକାଶଥାଉକି ବରଗଡ଼ ଜିଲାରେ ପ୍ରସିଦ୍ଧ ଧନୁଯାତ୍ରା ଦେଖିବାକୁ ଆସିଥିବା ଜଣେ ନାବାଳିକାଙ୍କୁ କିଛି ଦୁର୍ବୃତ୍ତ ଅପହରଣ କରି ବଳାତ୍କାର କରି ଜଙ୍ଗଲରେ ଫିଙ୍ଗିଦେବା ଘଟଣା ରାଜ୍ୟବ୍ୟାପୀ ଆଲୋଡ଼ନ ସୃଷ୍ଟି କରିଥିବାବେଳେ ସୁନ୍ଦରଗଡ଼ ଜିଲା ବିଶ୍ରା ଥାନା ଅଞ୍ଚଳର ଏହି ଘଟଣାରେ ଅଭିଯୁକ୍ତଙ୍କ ବିରୋଧର ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି ହେଉଛି।
Popular Categories
Previous article
Next article