ନୂଆଦିଲ୍ଲୀ : ମେଟାର ରେ-ବ୍ୟାନ୍ ସ୍ମାର୍ଟ ଗ୍ଲାସକୁ ଗତ କିଛି ମାସରେ ଅନେକ ନୂଆ ଫିଚର୍ସ ମିଳିଛି । ଏଥିରୁ ଏକ ଖାସ୍ ଫିଚର ହେଉଛି ସିଧା ଇନଷ୍ଟାଗ୍ରାମରେ ଷ୍ଟୋରେଜ୍ ପୋଷ୍ଟ କରିବାର ସୁବିଧା । ଏଣିକି ଆପଣ ଫୋନ୍ ବାହାର ନକରି ନିଜ ରେ-ବ୍ୟାନ୍ ଚଷମାରେ ଫଟୋକୁ ସିଧା ଇନଷ୍ଟାଗ୍ରାମ ଷ୍ଟୋରୀରେ ସେୟାର କରିପାରିବେ । ମେଟା ନିଜ ରେ-ବ୍ୟାନ୍ ଗ୍ଲାସେସ ପାଇଁ ଅନ୍ୟ ଅପଡେଟ୍ସ ମଧ୍ୟ ଜାରି କରିଛି, ଯେଉଁଥିରେ ଆମାଜନ ମ୍ୟୁଜିକ୍ ଏବଂ ମେଡିଟେସନ ଆପ୍ Calm ସାମିଲ ।
ଆପଣ ରେ-ବ୍ୟାନ୍ ଚଷମାରେ ନିଆଯାଇଥିବା ଫଟୋକୁ ପୂର୍ବରୁ ବା ପରେ କମାଣ୍ଡ ଦେଇ ପୋଷ୍ଟ କରିପାରିବେ । ଉଦାହରଣ ପାଇଁ ଫଟୋ ନେବା ପରେ ଆପଣ କହିପାରିବେ କି ‘ହେ ମେଟା, ସେୟାର ମାଇଁ ଲାଷ୍ଟ ଫଟୋ ଟୁ ଇନଷ୍ଟାଗ୍ରାମ’ ବା ନୂଆ ଫଟୋ ନେବା ପୂର୍ବରୁ ‘ପୋଷ୍ଟ ଏ ଫଟୋ ଟୁ ଇନଷ୍ଟାଗ୍ରାମ’ କହିପାରିବେ । ରେ-ବ୍ୟାନ୍ ଗ୍ଲାସରୁ ନିଆଯାଇଥିବା ଫଟୋକୁ ପୋଷ୍ଟ କରିବାର ଦ୍ବିତୀୟ ଉପାୟ ମେଟା ଭ୍ୟୁ ଆପ୍ ।
ଏମିତି କରିବା ପାଇଁ ଆପଣଙ୍କୁ ବାସ୍ ଆପ୍ ଖୋଲିବାକୁ ପଡିବ, ଗ୍ୟାଲେରୀ ସେକ୍ସନକୁ ଯିବାକୁ ହେବ ଏବଂ ଯେଉଁ ଫଟୋକୁ ଆପଣ ସେୟାର କରିବାକୁ ଚାହୁଁଛନ୍ତି ତାକୁ ସେୟାର କରିବାକୁ ହେବ । ତେବେ ଏକଥା ଧ୍ୟାନରେ ରଖିବାକୁ ହେବ କି ଇନଷ୍ଟାଗ୍ରାମ ଆକାଉଣ୍ଟକୁ ମେଟା ଆପ୍ ସହିତ କନେକ୍ଟ କରିବାକୁ ହେବ । ଖାଲି ସେତିକି ନୁହେଁ, ଆପଣ କମାଣ୍ଡ ଦେଇ ଏଥିରେ ଗୀତ ମଧ୍ୟ ବଜାଇ ପାରିବେ । ଏଥିରେ ‘ହେ ମେଟା, ପ୍ଲେ ଆମାଜନ ମ୍ୟୁଜିକ୍’ କହିବା ପରେ ଚଷମା ଆପଣଙ୍କ ପାଇଁ ପ୍ରସ୍ତୁତ ହୋଇଥିବା ପ୍ଲେଲିଷ୍ଟ ମଧ୍ୟ ଚଲାଇବ ।
