ନୂଆଦିଲ୍ଲୀ: କାର୍ କିଣିବାକୁ ଇଚ୍ଛୁକ ଥିବା ଗ୍ରାହକଙ୍କ ପାଇଁ ଖୁସି ଖବର । ବଜାରକୁ ଆସିଲାଣି ମାରୁତିର ଇଲେକ୍ଟ୍ରିକ୍ କାର୍ । ମାତ୍ର ଗୋଟିଏ ଥର ଚାର୍ଜ କରିବା ଦ୍ୱାରା ଏହି କାର୍ ୫ଶହ କିମି ପର୍ଯ୍ୟନ୍ତ ଯାଇପାରିବ । ଅଟୋମୋବାଇଲ କ୍ଷେତ୍ରରେ ପ୍ରାୟ ସମସ୍ତ କମ୍ପାନୀ ବର୍ତ୍ତମାନ ବୈଦ୍ୟୁତିକ ଯାନ ନିର୍ମାଣ କରିବାକୁ ନେଇ ପ୍ରୟାସ ଜାରି ରଖିଛନ୍ତି । ଏହି ସମୟରେ ମାରୁତି ସୁଜୁକି ଏବଂ ଟୟୋଟା ସହଭାଗିତାରେ ଏକ ବୈଦ୍ୟୁତିକ କାର୍ ଲଞ୍ଚ କରିବାକୁ ଯୋଜନା କରୁଛନ୍ତି । ଯାହାର ନାଁ YY8 ରଖାଯାଇଛି ।
ଏହି କାର୍ ବଜାରକୁ ଏକ ନୂଆ ଡିଜାଇନରେ ଆସିବ ଏବଂ ଏହାର ମୂଲ୍ୟ ମଧ୍ୟ ଅଧିକ ରଖାଯାଇନାହିଁ । ଏହି କାରର ମୂଲ୍ୟ ୧୩ରୁ ୧୫ ଲକ୍ଷ ଟଙ୍କା ରଖାଯାଇପାରେ ବୋଲି କୁହାଯାଉଛି । ହୁଣ୍ଡାଇ କୋନା ଏବଂ ଟାଟା ନକ୍ସନ୍ ସହିତ ପ୍ରତିଦ୍ୱନ୍ଦ୍ୱିତା କରିବ ଏହି ବୈଦ୍ୟୁତିକ କାର୍ । ସୂଚନା ମୁତାବକ ଏହି କାର୍ ପାଇଁ ଲିଥିୟମ ବ୍ୟାଟେରୀ ଚାଇନାରୁ ଆମଦାନୀ କରାଯିବ । କାରର ଅନ୍ୟାନ୍ୟ ସୁବିଧା ପାଇଁ କମ୍ପାନୀ ବ୍ୟବସ୍ଥା କରୁଛି ।
ଏହି କାର୍ ପ୍ରାୟ ୪୦୦ କିଲୋମିଟର ଯାଏ ଯାଇପାରିବ ବୋଲି କୁହାଯାଇଛି । ଗୋଟିଏ ଇଲେକ୍ଟ୍ରିକ୍ ମୋଟର ବ୍ୟବହାର କରି ୧୩୮ hp ଉତ୍ପାଦନ କରିବାରେ ସକ୍ଷମ ହେବ ଏହି କାର୍ । ଆସିବାକୁ ଥିବା ଏହି ଇଲେକ୍ଟ୍ରକ୍ କାରରେ ୪୮ kWh ବ୍ୟାଟେରୀ ପ୍ୟାକ୍ ମଧ୍ୟ ବ୍ୟବହୃତ ହେବ । ଯାହା ଗୋଟିଏ ଚାର୍ଜରେ ୫୦୦ କିଲୋମିଟର ଯାଇପାରିବ ବୋଲି କମ୍ପାନୀ କହିଛି ।
Comments are closed.