ନୂଆଦିଲ୍ଲୀ : ଲେପ୍ଟନାଣ୍ଟ ଜେନେରାଲ ମନୋଜ ମୁକୁନ୍ଦ ନାରାଭାନେ ରବିବାର ସେନାର ଉପମୁଖ୍ୟ ପଦଭାର ଗ୍ରହଣ କରିଛନ୍ତି। ଲେପ୍ଟନାଣ୍ଟ ଜେନେରାଲ ନାରାଭାନେ ଭାରତୀୟ ସେନା ଇଷ୍ଟର୍ଣ୍ଣ କମାଣ୍ଡେର ନେତୃତ୍ୱ ନେଉଥିଲେ। ସେ ଲେପ୍ଟନାଣ୍ଟ ଜେନେରାଲ ଦେବରାଜ ଅମ୍ବୁଙ୍କ ସ୍ଥାନ ନେଇଛନ୍ତି। ଅମ୍ବୁ ଅଗଷ୍ଟ ୩୧ରେ ଅବସର ଗ୍ରହଣ କରିଛନ୍ତି।
ସେନା ପକ୍ଷରୁ କୁହାଯାଇଛି ଯେ ଲେପ୍ଟନାଣ୍ଟ ଜେନେରାଲ ନାରାଭାନେ ପୂର୍ବୋତ୍ତର ଏବଂ ଜାମ୍ମୁ କାଶ୍ମୀର ଆତଙ୍କବାଦୀ ବିରୋଧୀ ଅଭିଯାନରେ ସକ୍ରିୟ ଥିଲେ। ଶ୍ରୀଲଙ୍କାରେ ସ୍ୱତନ୍ତ୍ର ଅଭିଯାନ ‘ପବନ’ ସମୟରେ ସେ ଭାରତୀୟ ଶାନ୍ତି ସେନାରେ ଭାଗ ନେଇଥିଲେ। ଜାମ୍ମୁ କାଶ୍ମୀରରେ ଉଲ୍ଲେଖନୀୟ କାର୍ଯ୍ୟ ପାଇଁ ଲେପ୍ଟନାଣ୍ଟ ଜେନେରାଲ ନାରାଭାନେଙ୍କୁ ‘ସେନା ମେଡାଲ’ରେ ସମ୍ମାନିତ କରାଯାଇଥିଲା। ନାଗାଲାଣ୍ଡରେ ଆସାମ ରାଲଫଲ୍ସର ଇନ୍ସପେକ୍ଟର ଜେନେରାଲ ଥିବା ସମୟରେ ତାଙ୍କୁ ‘ବିଶିଷ୍ଟ ସେବା ମେଡାଲ’ରେ ସମ୍ମାନିତ ହୋଇଥିଲେ।
ବର୍ତ୍ତମାନର ସେନା ମୁଖ୍ୟ ଜେନେରାଲ ବିପିନ ରାୱତ ଡିସେମ୍ବର ୩୧ରେ ଅବସର ଗ୍ରହଣ କରିବେ। ଏହାପରେ ବରିଷ୍ଠତା ଆଧାରରେ ଲେପ୍ଟନାଣ୍ଟ ଜେନେରାଲ ନାରାଭାନେ ସେନା ମୁଖ୍ୟ ଦୌଡ଼ରେ ସାମିଲ ହୋଇଯିବେ। ନାରଭାନେ ୧୯୮୦ରେ ଶିଖ ଲାଇଟ ରେଜିମେଣ୍ଟର ୭ମ ବାଟାଲିୟନ କମିଶନ ପଦରୁ ନିଜ ସୈନ୍ୟ ଜୀବନ ଆରମ୍ଭ କରିଥିଲେ। ନିଜର ୩୯ ବର୍ଷର ସୈନ୍ୟ ଜୀବନରେ ସେ ଅନେକ ସଫଳତା ହାସଲ କରିଛନ୍ତି। ପୂର୍ବରେ ଚୀନ ସହ ଥିବା ୪୦୦୦ କିଲୋମିଟର ଲମ୍ବା ସୀମା ଉପରେ ନଜର ରଖିବାଠାରୁ ଆରମ୍ଭ କରି ଜାମ୍ମୁ କାଶ୍ମୀର, ପୂର୍ବତ୍ତୋରରେ ଆତଙ୍କବାଦୀ ନିରୋଧୀ ଅଭିଯାନରେ ସେ ସଫଳତାର ସହ ଦାୟିତ୍ୱ ନିର୍ବାହ କରିଛନ୍ତି।
Comments are closed.