ସୋରଡ଼ା : ଗଞ୍ଜାମ ଜିଲା ସୋରଡା ବ୍ଲକ ପାଲକାଟୁ ପଞ୍ଚାୟତରେ ରବିବାର ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ମୃତ ଭାବି ଅନ୍ତିମ ସଂସ୍କାର କଲା ବେଳେ ଜଣେ ବ୍ୟକ୍ତି ଜୁଇରୁ ଉଠି ବସିଛନ୍ତି।
କପାଖାଲ ଗ୍ରାମର ସୀମାଞ୍ଚଳ ମଣ୍ଡଳ ଦୁଇ ଦିନଧରି ସାମାନ୍ୟ ଅସୁସ୍ଥ ଥିଲେ। ଶନିବାର ଛେଳି ଚରାଇବାକୁ ଗାଁ ନିକଟସ୍ଥ ଜଙ୍ଗଲକୁ ଯାଇ ସେ ଫେରି ନ ଥିଲେ। ରବିବାର ସକାଳୁ ଗ୍ରାମବାସୀ ତାଙ୍କୁ ବିଲରେ ପଡ଼ିଥିବା ଦେଖି ଉଦ୍ଧାର କରି ଘରକୁ ଆଣିଥିଲେ। ସୀମାଞ୍ଚଳ ମୃତ ବୋଲି ଭାବି ପରିବାର ଲୋକେ କାନ୍ଦିବା ସହ ଅନ୍ତିମ ସଂସ୍କାର ପାଇଁ ଆୟୋଜନ କରିଥିଲେ। ସ୍ମଶାନକୁ ନେଇ ମୁଖାଗ୍ନି ଦେବା ପାଇଁ ଜୁଇକୁ ରଖିବା ବେଳେ ହଠାତ୍ ସୀମାଞ୍ଚଳ ଉଠି ବସିଥିଲେ। ଏହା ଦେଖି ସେଠାରେ ଉପସ୍ଥିତ ଲୋକେ ହତବାକ୍ ହୋଇ ପରସ୍ପରକୁ ଚାହିଁଥିଲେ। ଏହାପରେ ସଙ୍ଗେ ସଙ୍ଗେ ତାଙ୍କୁ ସୋରଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ। ତାଙ୍କୁ ଦେଖିବା ପାଇଁ ଡାକ୍ତରରେ ଭିଡ଼ ଜମି ଥିଲା। ସେଠାରେ ସେ ସମ୍ପୂର୍ଣ ଠିକ୍ ହୋଇ ଘରକୁ ଫେରିଥିଲେ। ସେ କିଛି ସମୟ ପାଇଁ କୋମାକୁ ଚାଲି ଯାଇଥିଲେ ଏବଂ ଚିକିତ୍ସା ବିଜ୍ଞାନରେ ବେଳେ ବେଳେ ଏମିତି ହୋଇଥାଏ ବୋଲି ଡାକ୍ତର କହିଛନ୍ତି।
Comments are closed.