ମାଲକାନଗିରି: ଗତ ରବିବାର ଠାରୁ ମାଲକାନଗିରି ଜିଲାରେ ଲଗାଣ ବର୍ଷା ଲାଗି ରହିଛି। ଯଦ୍ୱାରା ବିଭିନ୍ନ ମାଟି ଘରର କାନ୍ଥ ଗୁଡିକ ଓଦା ହୋଇ ଦୁର୍ବଳ ଅବସ୍ଥାରେ ରହିଛି। ସେଥିମଧ୍ୟରୁ ଅତି ସମ୍ବେଦନଶୀଳ ଘର ଗୁଡିକ ବର୍ଷା ପ୍ରଭାବରେ ଭୁଶୁଡି ପଡିଥିବା ଦେଖିବାକୁ ମିଳିଛିା ଏଭଳି ଘଟଣା ମାଲକାନଗିରି ସଦର ବ୍ଲକ ସ୍ଥିତ ଗୌଡଗୁଡା ଗ୍ରାମ ପଞ୍ଚାୟତର ଜୟରାମଗୁଡାରେ ଦେଖିବାକୁ ମିଳିଛି।
ଘଟଣାରୁ ପ୍ରକାଶ ଏହି ଗ୍ରାମର ଧନେଶ ପାଙ୍ଗି ନିଜ ପରିବାର ସହିତ ନିଜ ଘରେ ଶେଶଇଥିବା ବେଳେ ପ୍ରବଳ ବର୍ଷା ଯୋଗୁ ବିଳମ୍ବିତ ରାତିରେ ହଠାତ୍ ତାଙ୍କ ଘର କାନ୍ଥ ଭୁଶୁଡି ପଡିଥିଲ। ସୌଭାଗ୍ୟ ବଶତଃ ଘର କାନ୍ଥଟି ବାହାର ପାର୍ଶ୍ବରେ ପଡିଥିବାରୁ ୩ ଜୀବନ ଅଳ୍ପକେ ବର୍ତ୍ତିଯାଇଛି। ରାତି ପ୍ରାୟ ୨ ଘଟିକା ସମୟରେ ଏଭିଳି ଘଟଣା ଘଟିବା ପରେ ପରିବାର ଲୋକେ ଆତଙ୍କିତ ଅବସ୍ଥାରେ ଘର ମଧ୍ୟରୁ ଦୌଡି ବାହାରକୁ ଆସିଥିଲୋ ପାଖ ପଡୋଶୀଙ୍କ ସହ ଯୋଗରେ ପଡୋଶୀ ଘରେ ଆଶ୍ରୟ ନେଇଥିଲୋ ବର୍ତମାନ ତାଙ୍କ ଘର ଭାଙ୍ଗି ଯାଇଥିବା ଯୋଗୁ ସେ ବେସାହାରା ଅବସ୍ଥାରେ ରହିଛନ୍ତି। ପ୍ରଶାସନ ଏଥିପ୍ରତି ଦୃଷ୍ଟି ଦେବାପାଇଁ ଦାବି ହୋଇଛିା ଏ ସମ୍ପର୍କରେ ଗୌଡଗୁଡା ପଞ୍ଚୟତ କାର୍ଯ୍ୟ ନିର୍ବାହୀ ଅଧିକାରୀ ନିଖିଲ ବାନାର୍ଜୀଙ୍କୁ ଯୋଗାଯୋଗ କରିବାରୁ ସମ୍ପୃକ୍ତ ବ୍ୟକ୍ତିଙ୍କ ଘରେ ପହଞ୍ଚି ଏହି ସମସ୍ୟାର ସମାଧାନ କରାଯିବ ବୋଲି ସେ ପ୍ରକାଶ କରିଛନ୍ତି। ସେହିପରି କାଲିମେଳା ବ୍ଲକ ବେଜାଙ୍ଗିବାଡା ଗ୍ରାମ ପଞ୍ଚାୟତ ଅନ୍ତର୍ଗତ ମାଲିଗୁଡା ଗ୍ରାମର ଲଛୁ ମାଡିଙ୍କ ଘର କାନ୍ଥ ମଧ୍ୟ ଭୁସୁଡି ପଡିଥିବା ଜଣାପଡିଛି। ଏଭଳି ଜିଲାରେ ଅନେକ ସ୍ଥାନରେ ଲୋକଙ୍କ ମାଟିଘର ଭାଙ୍ଗିଥିବା ସୂଚନା ମିଳିିଛି। ପ୍ରଶାସନ ଏଥିପ୍ରତି ଦୃଷ୍ଟି ଦେବା ନିମନ୍ତେ ଜନସାଧାରଣ ଦାବି କରିଛନ୍ତି।
ପ୍ରବଳ ବର୍ଷାରେ ଭାଙ୍ଗିଲା ଘର, ଅଳ୍ପକେ ବର୍ତ୍ତିଲା ୩ ଜୀବନ
Popular Categories
Previous article
Next article