ମାଲକାନଗିରି: ମାଲକାନଗିରି ଜିଲ୍ଲା ସ୍ୱାମୀ ବିବେକାନନ୍ଦ ଲୋକ ସଂସଦ ଆନୁକୂଲ୍ୟରେ ଅସ୍ମିତା ଓ ସ୍ୱାଭିମାନର ପ୍ରତୀକ ତମା ଦୋରାଙ୍କ ଉପରେ ଇ-ପାଠଚକ୍ର ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ଆଞ୍ଚଳିକ ଉଚ୍ଚମାଧ୍ୟମିକ ବିଦ୍ୟାଳୟ, ପଡ଼ିଆର ଅଧ୍ୟକ୍ଷ ପରମାନନ୍ଦ ମହାପାତ୍ର ମାଲକାନଗିରିର ସହିଦ ତାମା ଦୋରା କିପରି ଇଂରେଜ ସରକାରଙ୍କ ବିରୁଦ୍ଧରେ କୋୟା ଜନଜାତିର ଲୋକମାନଙ୍କୁ ସଂଗଠିତ କରି ଆନ୍ଦୋଳନ କରି ସହିଦ ହୋଇଥିଲେ । ତାହା ଉପରେ ନିଜର ଗବେଷଣା ଲବ୍ଧ ବକ୍ତବ୍ୟ ପ୍ରଦାନ କରିଥିଲେ ।
ଏହି କାର୍ଯ୍ୟକ୍ରମରେ ବିବେକାନନ୍ଦ ଲୋକ ସଂସଦ ଜିଲ୍ଲା ଶାଖାର ଆଜୀବନ ସଦସ୍ୟ ତଥା ସମ୍ପାଦକ ଡଃ ରଞ୍ଜନ କୁମାର ସ୍ବାଇଁ ସଭାପତିତ୍ୱ କରିଥିଲେ । କେ.ଜି.ବି.ଭି ଚାଲାଣଗୁଡାର ପ୍ରଧାନ ଶିକ୍ଷୟିତ୍ରୀ ଆଭାରାଣୀ ବିଶ୍ୱାଳଙ୍କ ସଂଯୋଜନାରେ ଆୟୋଜିତ କାର୍ଯ୍ୟକ୍ରମରେ ଲୋକସଂସଦର ଆଜୀବନ ସଦସ୍ୟା ପ୍ରତିମା ନାୟକ ପ୍ରାରମ୍ଭିକ ମନ୍ତ୍ରପାଠ କରିଥିଲେ । ସୁଶ୍ରୀ ଶାଶ୍ୱତୀ ନାୟକ ବିବେକବାଣୀ ପାଠ କରିଥିବା ବେଳେ ପ୍ରଧାନଶିକ୍ଷକ ପ୍ରମୋଦ କୁମାର ସେନାପତି ଧନ୍ୟବାଦ ଅର୍ପଣ କରିଥିଲେ ।
ପରିଶେଷରେ ଶିକ୍ଷୟିତ୍ରୀ ଅଙ୍ଗୁରବାଳା ସ୍ୱାଇଁ ଶାନ୍ତି ପାଠ କରିଥିଲେ । ଏହି ଆଭାସୀ ପାଠଚକ୍ରରେ ଜିଲ୍ଲା ଓ ରାଜ୍ୟରୁ ୪୦ରୁ ଊର୍ଦ୍ଧ୍ଵ ସଦସ୍ୟ ଅଂଶ ଗ୍ରହଣ କରିଥିଲେ । ସହିଦ ତାମା ଦୋରାଙ୍କ ନାମରେ ମାଲକାନଗିରି ଜିଲ୍ଲାର କୌଣସି ଅନୁଷ୍ଠାନ, ମହାବିଦ୍ୟାଳୟର ନାମକରଣ କରାଗଲେ ସହିଦଙ୍କ ପ୍ରତି ଏହା ଉପଯୁକ୍ତ ସମ୍ମାନ ହୋଇପାରିବ ବୋଲି ଆଲୋଚକ ମତ ପ୍ରକାଶ କରିଥିଲେ ।
