ଭୋପାଳ : କମଳନାଥଙ୍କ ସରକାରରେ ମନ୍ତ୍ରୀ ପାହ୍ୟା ମାନ୍ୟତା ପ୍ରାପ୍ତ କମ୍ପ୍ୟୁଟର ବାବା ଗୁରୁବାର ଦାବି କରିଛନ୍ତି ଯେ ମଧ୍ୟପ୍ରଦେଶ ବିଜେପିର ଆଉ ୪ ବିଧାୟକ ଖୁବଶୀଘ୍ର କଂଗ୍ରେସରେ ଯୋଗଦେବେ।
କମଳନାଥ କହବା ମାତ୍ରେ ସେ ୪ ବିଧାୟକଙ୍କୁ ସର୍ବସମ୍ମୁଖକୁ ଆଣିବେ ବୋଲି କମ୍ପ୍ୟୁଟର ବାବା କହିଛନ୍ତି। ସେ କହିଛନ୍ତି ଯେ ବିଜେପି କାର୍ଯ୍ୟରେ ସାଧୁସନ୍ଥମାନେ ଅସନ୍ତୁଷ୍ଟ ଥିଲାବେଳେ ବିଧାୟକମାନେ ଅସନ୍ତୋଷ ପ୍ରକାଶ କରିବା ସ୍ୱାଭାବିକ। ଶାସକ କଂଗ୍ରେସ ଦଳରେ ଯୋଗଦେବାକୁ ବିଜେପିର ୪ ବିଧାୟକ ତାଙ୍କ ସହ ଯୋଗାଯୋଗରେ ଅଛନ୍ତି। ଠିକ ସମୟରେ ସେମାନଙ୍କୁ ଆଗକୁ ଅଣାଯିବ। ଏହାସହ କମ୍ପ୍ୟୁଟକ ବାବା ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଶିବରାଜ ସିଂହଙ୍କୁ କଡ଼ା ସମାଲୋଚନା କରିଛନ୍ତି। ଶିବରାଜ ନର୍ମଦାକୁ ବିକି ଖାଇଛନ୍ତି ଓ ସେ ଜଣେ ଦୁର୍ନୀତିଗ୍ରସ୍ତ ବ୍ୟକ୍ତି ବୋଲି କମ୍ପ୍ୟୁଟର ବାବା କହିଛନ୍ତି।
ପ୍ରକାଶ ଯେ ବୁଧବାର ମଧ୍ୟପ୍ରଦେଶ ବିଧାନସଭାରେ ଏକ ବିଧେୟକ ପାଇଁ ଭୋଟିଂ ସମୟରେ ବିଜେପିର ୨ ଜଣ ବିଧାୟକ କମଳନାଥ ସରକାରଙ୍କ ପକ୍ଷରେ ମତଦାନ କରିଥିଲେ। ବିଜେପିର ବିଧାୟକ ଦ୍ୱୟ କଂଗ୍ରେସରେ ଯୋଗଦେବାକୁ ଚାହୁଁଛନ୍ତି, ତେଣୁ ସେମାନେ କମଳନାଥ ସରକାରଙ୍କ ସପକ୍ଷରେ ମତଦାନ କରିଛନ୍ତି ବୋଲି ଚର୍ଚ୍ଚା ହେଉଛି। ଏବେ କମ୍ପ୍ୟୁଟର ବାବାଙ୍କ ଦାବି ମଧ୍ୟପ୍ରଦେଶ ରାଜନୀତିକୁ ଭିନ୍ନ ମୋଡ଼ ଦେଇଛି।
Comments are closed.