ବିହାର ଏନଡ଼ିଏରେ ଆସନ ବୁଝାମଣା ପ୍ରଥମ ବୈଠକ ସଫଳ ହେବା ପରେ କେଁ ଭର୍ତି କରିଛନ୍ତି ଏଲଜେପି ନେତା ଚିରାଗ ପାଶ୍ଵାନ । ରବିବାର ବୈଠକରେ ନୀତିଶଙ୍କ ମୁଖ୍ୟମନ୍ତ୍ରୀତ୍ଵ (ନେତୃତ୍ଵ)ରେ ଦଳ ନିର୍ବାଚନ ଲଢ଼ିବ ନାହିଁ ବୋଲି ଘୋଷଣା କରିଛି । ଦଳ ’ବିହାର ପ୍ରଥମ, ବିହାରୀ ପ୍ରଥମ’ ସ୍ଲୋଗାନ ଦେଇ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବ ବୋଲି ଘୋଷଣା କରିଥିଲେ ହେଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ସମ୍ପୂର୍ଣ୍ଣ ସମର୍ଥନ କରିଛି ।ଏହାପୂର୍ବରୁ ବିହାର ବିଧାନସଭା ନିର୍ବାଚନରେ ଲୋକସଭା ପାର୍ଟି (ଏଲଜେପି) ପୃଥକ ଭାବରେ ପ୍ରତିଦ୍ୱନ୍ଦ୍ୱିତା କରିବାକୁ ନିଷ୍ପତ୍ତି ନେଇପାରେ ଚର୍ଚା ହେଉଥିଲା ।
ବିଧାନସଭା ନିର୍ବାଚନ ପାଇଁ ଏଲଜେପି ସଂସଦୀୟ ବୋର୍ଡର ଏକ ବୈଠକ ଡକାଯାଇଥିଲା । ଯେଉଁଥିରେ ଦଳ ଏନଡିଏଠାରୁ ଅଲଗା ହେବାକୁ ନିଷ୍ପତ୍ତି ନେଇଛି । ଲୋକସଭାର ପାର୍ଟିର ସଂସଦୀୟ ବୋର୍ଡର ଏହି ବୈଠକ ଶନିବାର ଦିନ ଅନୁଷ୍ଠିତ ହେବାକୁ ଥିଲା, କିନ୍ତୁ କେନ୍ଦ୍ରମନ୍ତ୍ରୀ ରାମ ଭିଲାସ ପାସୱାନଙ୍କ ସ୍ବାସ୍ଥ୍ୟାବସ୍ଥାରେ ଅବନତି ଯୋଗୁଁ ଏହି ବୈଠକ ରବିବାରକୁ ସ୍ଥଗିତ ରଖାଯାଇଥିଲା।
ଗତ ମାସରେ ସିଟ୍ ବାଣ୍ଟିବା ନେଇ ଏଲଜେପି ମୁଖ୍ୟ ଚିରାଗ ପାସୱାନ୍ ବିଜେପି ସଭାପତି ଜେ.ପି ନଡାଙ୍କୁ ପାଞ୍ଚ ଥର ଭେଟିଛନ୍ତି। ଥରେ ସେ ଗୃହମନ୍ତ୍ରୀ ଅମିତ ଶାହାଙ୍କୁ ମଧ୍ୟ ଭେଟିଥିଲେ। ଏଲଜେପି ସୂତ୍ର ଅନୁଯାୟୀ ଦଳକୁ ମାତ୍ର ୧୫ ରୁ ୨୦ ଟି ସିଟ୍ ମିଳିଛି। କିନ୍ତୁ ଏଲଜେପି ୪୨ ଟି ଆସନ ଦାବି କରିଛି। ଅନ୍ୟପକ୍ଷରେ ଜେଡିୟୁ ନେତା କହିଛନ୍ତି ଯେ ଏଲଜେପି ସହିତ ତାଙ୍କ ଦଳ ବା ମେଣ୍ଟର କୌଣସି ସମ୍ପର୍କ ନାହିଁ। ବିଜେପି ଏଲଜେପି ସହିତ ଆସନ ବୁଝାମଣା କରିବ ।
ଉଭୟ ଏଲଜେପି ଏବଂ ଭାରତୀୟ ଜନତା ପାର୍ଟି (ବିଜେପି) ମଧ୍ୟରେ ବିଶେଷ ତିକ୍ତତା ନାହିଁ | ବିଧାନସଭା ନିର୍ବାଚନରେ ଉଭୟଙ୍କ ମଧ୍ୟରେ ଅନେକ ଆସନରେ ବନ୍ଧୁତ୍ୱପୂର୍ଣ୍ଣ ଲଢ଼େଇ ହୋଇପାରେ। ବୋଧହୁଏ ନିର୍ବାଚନ ପରେ ମଣିପୁରର ପରି ଏଲଜେପି ବିଜେପିକୁ ସମର୍ଥନ କରିପାରେ । ‘ବିହାର ପ୍ରଥମ, ବିହାରୀ ପ୍ରଥମେ’ କୁ ନେଇ ପାର୍ଟିର ଭିଜନ ଡକ୍ୟୁମେଣ୍ଟ ପ୍ରସ୍ତୁତ ହୋଇଛି |
