ଲକ୍ଷ୍ମୀପୁର: କୋରାପୁଟ ଜିଲା ଲକ୍ଷ୍ମୀପୁର ବିଧାୟକ ପବିତ୍ର ସାଉନ୍ତା ଲକ୍ଷ୍ମୀପୁର ବ୍ଳକରେ ବିଭିନ୍ନ ବିଭାଗର ସମୀକ୍ଷା କରିଛନ୍ତି। ବିଧାୟକ ଭାବେ ନିର୍ବାଚିତ ହେବା ପରେ ଏହା ଶ୍ରୀ ସାଉନ୍ତାଙ୍କ ପ୍ରଥମ ସମୀକ୍ଷା ବୈଠକ। ସ୍ଥାନୀୟ ସ୍ବୟଂ ସହାୟକ ଗୋଷ୍ଠୀ ସଭାଗୃହରେ ଅନୁଷ୍ଠିତ ଏହି ବୈଠକରେ ବିଭିନ୍ନ ବିଭାଗର ଅଧିକାରୀ ଓ ଯନ୍ତ୍ରୀମାନେ ଯୋଗଦେଇ ଥିଲେ। ବିଶେଷକରି ବିଭାଗ ଗୁଡିକ ଦ୍ବାରା କଣ କଣ କାର୍ଯ୍ୟ ହୋଇଛି ଓ ହେଉଛି ସେ ସମ୍ପର୍କରେ ପଚାରି ବୁଝିଥିଲେ। ଉକ୍ତ ବ୍ଲକଟି ଆଦିବାସୀ ଅଧ୍ୟୁଷିତ ଅଞ୍ଚଳ ହୋଇଥିବାରୁ ସରକାରଙ୍କ ଯୋଜନା କିପରି ଲୋକମାନଙ୍କ ନିକଟରେ ପହଞ୍ଚି ପାରିବ ଏବଂ ଲୋକମାନେ କିପରି ତା’ର ସୁବିଧା ପାଇପାରିବେ ସେଥିପ୍ରତି ସମସ୍ତେ ଯତ୍ନବାନ ହେବାକୁ ବିଧାୟକ ପରାମର୍ଶ ଦେଇଥିଲେ। ଏଥିସହିତ କୌଣସି କ୍ଷେତ୍ରରେ ଯେପରି ହଇରାଣ ହରକତ କରାନଯାଏ ସେ ନେଇ ଉଚ୍ଚ ଅଧିକାରୀ ମାନେ ଧ୍ୟାନ ଦେବାକୁ କହିଥିଲେ। ବୈଠକରେ ପଞ୍ଚାୟତ ସମିତି ଅଧ୍ୟକ୍ଷା ସୁଓ୍ବାଇ କୁଲେସିକା , ଗୋଷ୍ଠୀ ଊନ୍ନୟନ ଅଧିକାରୀ ଗୁରେଶ୍ବର ଭୋଇଙ୍କ ସମେତ ପଞ୍ଚାୟତ ସମିତି ଉପାଧ୍ୟକ୍ଷା ଆରତୀ କୁଲଦୀପ , ସହକାରୀ ନିର୍ବାହୀ ଯନ୍ତ୍ରୀ ଏମ ପବନ କୁମାର , ପଞ୍ଚାୟତ ସମ୍ପ୍ରସାରଣ ଅଧିକାରୀ ସୁଧୀର କୁମାର ବେହେରା, ମଣ୍ଟି ଖରା ପ୍ରମୁଖ ଯୋଗ ଦେଇଥିଲେ।
Comments are closed.