ସମାଜ ଡିଜିଟାଲ ଡେସ୍କ: ଇରାକ ସଂସଦରେ ଝିଅଙ୍କ ବିବାହ ବୟସକୁ ନେଇ ଏକ ବିଧେୟକ ଉପସ୍ଥାପନ କରାଯାଇଛି। ଯଦି ସଂସଦରେ ଏହି ବିଲ୍ ପାରିତ ହୁଏ, ତେବେ ସେଠାରେ ୯ ବର୍ଷର ଝିଅଙ୍କ ବିବାହକୁ ବୈଧ ବୋଲି ଧରାଯିବ। ବର୍ତ୍ତମାନ ଦେଶରେ ଝିଅଙ୍କ ବିବାହର ସର୍ବନିମ୍ନ ବୟସ ୧୮ ବର୍ଷ ଥିବାବେଳେ ଏଥିରେ ସଂଶୋଧନ କରାଯାଇ ୯ ବର୍ଷ କରିବା ନେଇ ଏହି ବିଧେୟକରେ ଉଲ୍ଲେଖ ରହିଛି। ଏହି ବିଲ୍କୁ ଇରାକର ମହିଳା ଏବଂ ବହୁ ମାନବାଧିକାର ସଂଗଠନ ତୀବ୍ର ବିରୋଧ କରିଛନ୍ତି। ଏହାକୁ ନେଇ ଜନ ଅସନ୍ତୋଷ ବୃଦ୍ଧି ପାଇବାରେ ଲାଗିଛି।
- Advertisement -
ମିଳିଥିବା ସୂଚନା ଅନୁସାରେ, ପର୍ସନାଲ ଷ୍ଟାଟସ୍ ଲ’ ୧୯୫୯ର ନିୟମ ୧୮୮ରେ ପରିବର୍ତ୍ତନ ପାଇଁ ଆଲୋଚନା ହେଉଛି। ଏଠାରେ ଉଲ୍ଲେଖଯୋଗ୍ୟ, ଅବଦୁଲ କରିମ କାସୀମ ସରକାରଙ୍କ ସମୟରେ ପର୍ସନାଲ ଷ୍ଟାଟସ୍ ଲ’ ୧୯୫୯ ତିଆରି କରାଯାଇଥିଲା। ଏହି ନିୟମକୁ ପ୍ରଶଂସା କରାଯାଇଥିଲା, ଯେଉଁଥିରେ ଝିଅମାନଙ୍କ ବିବାହର ସର୍ବନିମ୍ନ ବୟସ ୧୮ ବର୍ଷ କରାଯାଇଥିଲା।
