ରେଙ୍ଗାଲି: ସମ୍ବଲପୁର ଜିଲାର ଲଇଡା ଠାରେ ଥିବା ଦୁତିକା ସାହୁ ମହାବିଦ୍ୟାଳୟର ଜାତୀୟ ସେବା ଯୋଜନା ପକ୍ଷରୁ ୟୁନିସେଫର ଆହ୍ୱାନ କ୍ରମେ ଆଜି ୟୁଥ୍ ଫର୍ ଓାଟର୍ କାର୍ଯ୍ୟକ୍ରମ ଆୟୋଜିତ ହୋଇଥିଲା। ଏହି ଅବସରରେ ମହାବିଦ୍ୟାଳୟର ଜାତୀୟ ସେବା ଯୋଜନାର ସଂଯୋଜକ ବିଶ୍ୱନାଥ ପଟେଲଙ୍କ ତତ୍ତ୍ୱାବଧାନରେ କଳେଜର ଛାତ୍ରଛାତ୍ରୀମାନେ ଏକ ସଚେତନତା ଶୋଭାଯାତ୍ରାରେ ବାହାରି ଗ୍ରାମ୍ୟ ପରିକ୍ରମା କରିଥିଲେ। ଏହାପରେ ସେମାନେ ଲଇଡାର ଚାରତୁଲା ବନ୍ଧ ପୋଖରୀରେ ପହଞ୍ଚିଥିଲେ। ସ୍ଥାନୀୟ ସ୍ୱେଚ୍ଛାସେବୀଙ୍କ ସହିତ ମିଳିତ ସହଯୋଗରେ ଛାତ୍ରଛାତ୍ରୀମାନେ ପୋଖରୀରେ ଆଚ୍ଛାଦିତ ହୋଇ ରହିଥିବା ଦଳ ଏବଂ ଅନ୍ୟାନ୍ୟ ଆବର୍ଜନା ସଫା କରିଥିଲେ। ଜାତୀୟ ସେବା ଯୋଜନା ପୂର୍ବାଞ୍ଚଳ ଜୋନର ସଂଯୋଜକ ସରିତା ପଟେଲ, ଜିଲା ସଂଯୋଜକ ବିଶ୍ୱମୋହନ ଜେନା, ଲଇଡା ସରପଞ୍ଚ ଜ୍ୟୋସ୍ନାମୟୀ ସା, ସମିତି ସଭ୍ୟା ସଞ୍ଜିବନୀ ବେହେରା, ୱାସେ ସଙ୍ଗଠନ ର ଉପଦେଷ୍ଟା ସୁଦେଷ୍ଣା ନାଏକ, ସାଇଶରଣ ପଟେଲ, ଲଇଡା କଳେଜ ଅଧ୍ୟକ୍ଷ ଡ.ବସନ୍ତ କୁମାର ନାଏକ, ଅଧ୍ୟାପକ ସିରାଜୁଲ୍ ହକ୍, ଜୟନାରାୟଣ ଶତପଥୀ, ଅଳେଖ ଦ୍ୱିବେଦୀ, ସୁଜିତ ନାଏକ, ବିଜୟ ସାହୁ ଏବଂ ଲଇଡା ଭୂୟାଁପଡା ର ସ୍ୱେଚ୍ଛାସେବୀ ମାନେ ଏହି ଅଭିଯାନରେ ସାମିଲ ହୋଇ ଛାତ୍ରଛାତ୍ରୀଙ୍କୁ ଉତ୍ସାହିତ କରିଥିଲେ।
Popular Categories
Previous article
Next article