ଭୁବନେଶ୍ୱର: କିଟ୍ ଇଣ୍ଟରନ୍ୟାସନାଲ ସ୍କୁଲ ଚଳିତ ବର୍ଷର ଖ୍ରୀଷ୍ଟମାସକୁ ଭିନ୍ନ ଶୈଳୀରେ ପାଳନ କରିଛି । ସେବା ଓ ପରୋପକାର ଭଳି ମହତ କାର୍ଯ୍ୟରେ ବିରଳ ଉଦାହରଣ ସୃଷ୍ଟି କରିଥିବା ଏହାର ପ୍ରତିଷ୍ଠାତା ଡ.ଅଚ୍ୟୁତ ସାମନ୍ତଙ୍କ ପଦାଙ୍କ ଅନୁସରଣ କରି ‘ଦେବାରେ ହିଁ ଆନନ୍ଦ’ ବିଷୟକୁ ନେଇ ଏହି ପର୍ବ ପାଳିତ ହୋଇଥିଲା । ସେଥିପାଇଁ ବିଦ୍ୟାଳୟର ଛାତ୍ରଛାତ୍ରୀ, ଶିକ୍ଷକ ଏବଂ କର୍ମଚାରୀମାନେ ପ୍ରାୟ ୨୦ କିଲୋମିଟର ଦୂରରେ ଥିବା ଶ୍ୟାମସୁନ୍ଦରପୁର ଗ୍ରାମକୁ ଯାଇଥିଲେ । ବିଦ୍ୟାଳୟର ଚେୟାରପର୍ସନ ଡ.ମୋନାଲିସା ବଳ କହିଛନ୍ତି ଯେ କିଟ୍ ଇଣ୍ଟରନ୍ୟାସନାଲ ସ୍କୁଲ ଜ୍ଞାନ ଓ ଅତିରିକ୍ତ ପାଠ୍ୟକ୍ରମର କାର୍ଯ୍ୟକଳାପ ସହିତ ମୂଲ୍ୟବୋଧ ଏବଂ ଜୀବନର ମୂଲ୍ୟବୋଧ ପିଲାଙ୍କୁ ଶିଖାଇବାରେ ବିଶ୍ୱାସ ରଖେ । ବିଦ୍ୟାଳୟ ପାଞ୍ଚବର୍ଷରୁ ଅଧିକ ସମୟ ଧରି ଶ୍ୟାମସୁନ୍ଦରପୁର ଗ୍ରାମବାସୀଙ୍କ ସେବାରେ ରହିଛି । ଚଳିତ ବର୍ଷ କୋଭିଡ ନିୟମାବଳୀ ପାଳନ କରି ବିଦ୍ୟାଳୟର ଛାତ୍ର, ଶିକ୍ଷକ ଓ କର୍ମଚାରୀମାନେ ଗ୍ରାମରେ ଖେଳନା, ବହି, କପ କେକ୍ ଆଦି ବଣ୍ଟନ କରିବା ସହିତ ଗ୍ରାମର ପିଲାଙ୍କ ସହିତ ଖ୍ରୀଷ୍ଟମାସ ପାଳନ କରିଥିଲେ ।
Popular Categories
Previous article
Next article