କେନ୍ଦୁଝରଗଡ: କଲେଜରୋଡସ୍ଥିତ ବଣିଆପାଟ ସରସ୍ୱତୀ ଶିଶୁ ବିଦ୍ୟା ମନ୍ଦିରରେ କେନ୍ଦୁଝର ସଙ୍କୁଳର ଜ୍ଞାନ ବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି। ଭକ୍ତ ଜ୍ଞାନ ବିଜ୍ଞାନ ମେଳାକୁ ସରକାରୀ ମହିଳା ମହାବିଦ୍ୟାଳୟର ଭୂତତ୍ୱ ବିଜ୍ଞାନ ବିଭାଗୀୟ ମୁଖ୍ୟ ଡ. ଲଳିତ ମୋହନ ସାହୁ ଉଦଘାଟନ କରିଥିଲେ।
ଏହି ଜ୍ଞାନ ବିଜ୍ଞାନ ମେଳାକୁ କେନ୍ଦୁଝର ସଙ୍କୁଳ ଅନ୍ତର୍ଗତ ତେଲକୋଇ, ଜଗମୋହନପୁର, ଶୁଆକାଟି, ଗୋନାସିକା, କେନ୍ଦୁଝରଗଡ, ବଣିଆପାଟ, କେମ୍ପସଡା, ଝାରବେଲଦା ଓ ଜଙ୍ଘିରା ବିଦ୍ୟାଳୟକୁ ମିଶାଇ ମୋଟ ୯ଟି ବିଦ୍ୟାଳୟର ୨୧୨ଜଣ ଛାତ୍ରଛାତ୍ରୀ ସଂସ୍କୃତିବୋଧ ପରିଯୋଜନ, ବୈଦିକ ଗଣିତ ପ୍ରଶ୍ନମଞ୍ଚ, ବିଜ୍ଞାନ ପ୍ରଶ୍ନମଞ୍ଚ, ବିଜ୍ଞାନ ପତ୍ରବାଚନ, ଗଣିତ ପ୍ରଶ୍ନମଞ୍ଚ, ଗଣିତ ପତ୍ରବାଚନ, ଗଣିତ ପ୍ରୟୋଗ, ବିଜ୍ଞାନ ପ୍ରୟୋଗ, ବିଜ୍ଞାନ ପ୍ରକଳ୍ପ, ଗଣିତ ପ୍ରକଳ୍ପ, କଥା କଥାନ, ଦେଶଭକ୍ତି ଗୀତ ଆଦିରେ ଭାଗ ନେଇଥିଲେ।
ଏଥିରେ ପ୍ରଥମ ସ୍ଥାନ ଅଧିକାର କରିଥିବା ପ୍ରତିଯୋଗୀ ବିଭାଗସ୍ତରୀୟ ଜ୍ଞାନ ବିଜ୍ଞାନମେଳାରେ ଅଂଶଗ୍ରହଣ ପାଇଁ ମନୋନୀତ ହୋଇଛନ୍ତି। ଏହି ଜ୍ଞାନବିଜ୍ଞାନ ମେଳାର ଉଦଯାପନୀ ସମାରୋହରେ ଧରଣୀଧର ବିଶ୍ୱ ବିଦ୍ୟାଳୟ କେନ୍ଦୁଝରର ପଦାର୍ଥ ବିଜ୍ଞାନ ବିଭାଗ୍ୟ ମୁଖ୍ୟ ଦୋଳଗୋବିନ୍ଦ ରାଉତ ମୁଖଅତିଥି ଭାବେ ଯୋଗଦେଇ ଛାତ୍ରଛାତ୍ରୀଙ୍କୁ ବିଜ୍ଞାନ ସମ୍ବନ୍ଧୀୟ ଉପାଦେୟ ମାର୍ଗଦର୍ଶନ କରିଥିଲେ। ବିଦ୍ୟାଳୟ ପରିଚାଳନା ସମିତି ସଭାପତି ଡ/ ଅନୀଲ କୁମାର ଦାସ ସଭାକାର୍ଯ୍ୟ ପରିଚାଳନା କରିଥିବାବେଳେ ପ୍ରଧାନାଚାର୍ଯ୍ୟ ଦୀନବନ୍ଧୁ ମହାକୁଡ ଅତିଥି ପରିଚୟ ଓ ସ୍ୱାଗତ ଭାଷଣ ପ୍ରଦାନ କରିଥିଲେ।
ବିଦ୍ୟାଳୟ ପରିଚାଳନା ସମିତି ସମ୍ପାଦକ ଭାଗୀରଥି ଗିରି ଶେଷରେ ଧନ୍ୟବାଦ ଅର୍ପଣ କରିଥିଲେ। ସଙ୍କୁଳ ସଂଯୋଜକ ଅଲେଖ ଚନ୍ଦ୍ର ମହାନ୍ତଙ୍କ ସମେତ ବିଦ୍ୟାଳୟ ପରିଚାଳନା ସମିତି ଉପସଭାପତି ହୃଦାନନ୍ଦ ପ୍ରଧାନ, ସହସମ୍ପାଦକ ସୁଦର୍ଶନ ନାଏକ, କୋଷାଧ୍ୟକ୍ଷ ଦୟାନିଧି ମହାନ୍ତ, ସଦସ୍ୟା ମନ୍ଦାକୀନି ବେହେରା ପ୍ରମୁଖ ଉପସ୍ଥିତ ଥିବାବେଳ କେନ୍ଦୁଝର ସଙ୍କୁଳ ଅନ୍ତର୍ଗତ ସମସ୍ତ ବିଦ୍ୟାଳୟର ପ୍ରଧାନ ଆଚାର୍ଯ୍ୟ ଓ ବିଭିନ୍ନ ବିଦ୍ୟାଳୟରୁ ଆସିଥିବା ବିଚାରକ ଯୋଗଦେଇ କୃତୀ ପ୍ରତିଯୋଗୀ ଚୟନ କରିଥିଲେ।
