ସମାଜ ଡିଜିଟାଲ ଡେସ୍କ: ନିଶାସକ୍ତ ସ୍ୱାମୀର ଅତ୍ୟାଚାର ସହିନପାରି ଶେଷରେ ସ୍ୱାମୀକୁ ପଥରେ ଛେଚି ହତ୍ୟା କରିଛି ସ୍ତ୍ରୀ । ଅଗଷ୍ଟ ୧୫ ବିଳମ୍ବିତ ରାତିରେ କେନ୍ଦୁଝର ଜିଲା ଘଟଗାଁ ଥାନା ଅନ୍ତର୍ଗତ କାଶୀବେଡା ଗାଁରେ ଏଭଳି ଘଟଣା ଘଟିଛି । ମୃତ ସ୍ୱାମୀ ହେଲେ ସୁନାରାମ ମୁଣ୍ଡା । ମିଳିଥିବା ସୂଚନା ଅନୁସାରେ ଗୁରୁବାର ସନ୍ଧ୍ୟାରେ ସୁନାରାମ ନିଜ ସ୍ତ୍ରୀ ସୁକୁମଙ୍କୁ ନିଶାସକ୍ତ ଅବସ୍ଥାରେ ପ୍ରବଳ ମାଡ ମାରିଥିଲେ । ଏଥିରେ ସ୍ତ୍ରୀ ଉତକ୍ଷିପ୍ତ ହୋଇ ସ୍ୱାମୀଙ୍କୁ ପଥରେ ଛେଚି ପକାଇଥିଲେ । ଗୁରୁତର ଅବସ୍ଥାରେ ସୁନାରାମଙ୍କୁ ମେଡିକାଲ ନିଆଯାଇଥିଲା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ତେବେ ନିର୍ଯାତନା ଅସହ୍ୟ ହେବାରୁ ସ୍ତ୍ରୀ ଏଭଳି କରିଥିବା ଜଣାପଡିଛି । ଘଟଣାର ତଦନ୍ତ ପୁଲିସ ଆରମ୍ଭ କରିଛି ।
Popular Categories
Previous article
Next article