ନୂଆଦିଲ୍ଲୀ: ମଦ ଦୁର୍ନୀତି ମାମଲାରେ ଗିରଫ ହୋଇଥିବା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ହାଜତ ମିଆଦ ଆସନ୍ତା ମେ ୭ ତାରିଖକୁ ବୃଦ୍ଧି କରାଯାଇଛି। ଦିଲ୍ଲୀର ରାଉଜ ଆଭିନ୍ୟୁ କୋର୍ଟ ମଙ୍ଗଳବାର କେଜ୍ରିୱାଲଙ୍କ ସମେତ ଅନ୍ୟ ୨ ଅଭିଯୁକ୍ତ ଭାରତ ରାଷ୍ଟ୍ର ସମିତି (ବିଆରଏସ) ନେତ୍ରୀ କେ. କବିତା ଏବଂ ଗୋଆ ନିର୍ବାଚନ ପାଇଁ ନିଯୁକ୍ତ ଆମ୍ ଆଦ୍ମୀ ପାର୍ଟି (ଆପ୍)ର ପାଣ୍ଠି ପରିଚାଳକ ଚନପ୍ରୀତ ସିଂହଙ୍କ ହାଜତ ମିଆଦକୁ ମଧ୍ୟ ବୃଦ୍ଧି କରିଛନ୍ତି।
ମାମଲାର ଶୁଣାଣି ସମୟରେ ଅଭିଯୁକ୍ତମାନଙ୍କୁ ଭର୍ଚୁଆଲ କନ୍ଫରେନ୍ସ ଜରିଆରେ କୋର୍ଟରେ ହାଜର କରାଯାଇଥିଲା। ସୂଚନାଯୋଗ୍ୟ, ଗତକାଲି ଆପ୍ ଆବାହକଙ୍କ ପକ୍ଷରୁ କୋର୍ଟରେ ପିଟିଶନ ଦାୟର କରାଯାଇ କେଜ୍ରିୱାଲଙ୍କୁ ଦୈନିକ ୧୫ ମିନିଟ ସ୍ତ୍ରୀ ସୁନୀତାଙ୍କ ଉପସ୍ଥିତିରେ ଡାକ୍ତରଙ୍କ ସହ ପରାମର୍ଶ କରିବାକୁ ସୁଯୋଗ ଦେବା ପାଇଁ ଅନୁରୋଧ କରାଯାଇଥିଲା। ଏହାକୁ କୋର୍ଟ ଖାରଜ କରିଦେଇଥିଲେ।
Comments are closed.