ନୂଆଦିଲ୍ଲୀ: ମୃତ ଆତଙ୍କବାଦୀଙ୍କ ପତ୍ନୀଙ୍କ ବଡ଼ ଖୁଲାସା । ସୁରକ୍ଷାବାହିନୀଙ୍କ ଗୁଳିରେ ନିହତ ହୋଇଥିବା ଜଣେ ଆତଙ୍କବାଦୀଙ୍କ ପତ୍ନୀ ବଡ଼ ଖୁଲାସା କରିଛନ୍ତି । ଏକ ଅଡିଓ ମାଧ୍ୟମରେ ମୃତ ଆତଙ୍କବାଦୀଙ୍କ ପତ୍ନୀ ରଜିଆ ବିବି କହିଛନ୍ତି ମୁଜାହିଦ ମାନେ କୌଣସି ଚିନ୍ତାନକରି ବିବାହ କରନ୍ତି । ଜୀବନକୁ ନଷ୍ଟ କରିଦିଅନ୍ତି । ମୁଁ ସେଠାରେ ଅନେକ ରାତି ଚେଇଁ ଚେଇଁ କଟାଇଛି । ଆମେ ବହୁତ କଷ୍ଟଦାୟକ ପରିସ୍ଥିତି ଦେଇ ଗତି କରିଛୁ । ଚିନ୍ତା କରିବା ପରେ ଯେ କୌଣସି ପଦକ୍ଷେପ ନେବା ଉଚିତ୍ । ତାଙ୍କ ଅଡିଓରେ ରାଜିଆ ଆହୁରି କହିଛନ୍ତି । ମୁଜାହିଦ କିଛି ନଜଣାଇ ମୋ ସ୍ୱାମୀଙ୍କୁ କୌଣସି ସ୍ଥାନକୁ ନେଇଯାଇଥିଲେ । ମୁଁ କେବଳ କହିବି ଯେ କେହି ମୁଜାହିଦ୍ ହେବା ଉଚିତ୍ ନୁହେଁ । ମୁଁ ଏଠାରେ ଭାରତରେ ଭଲ ଅଛି ।
ରଜିଆ ବିବିଙ୍କ ଏକ ଭିଡିଓ ମଧ୍ୟ ଏକ ଗଣମାଧ୍ୟମ ସଂସ୍ଥା ଜାରି କରିଛି । ଭିଡିଓରେ ରାଜିଆ କହିଛନ୍ତି ମୁଁ ଏଠାରେ ଭଲରେ ଅଛି । ଏଠାକୁ ଆସିବାର ୧୫ ଦିନ ହୋଇଗଲାଣି । ଭାରତ ବହୁତ ଭଲ । କାରଣ ମୋ ପିଲାମାନେ ଏଠାରେ ସମର୍ଥନ ପାଉଛନ୍ତି । ଏହା ଛଡ଼ା ରାଜିଆ କହିଛନ୍ତି କି, ସବୁକିଛି ପାକିସ୍ତାନରେ ଅଛି, ହେଲେ ପାକିସ୍ତାନରେ କୌଣସି ମାନବିକତା ନାହିଁ ।
ଜାତୀୟ ଗଣମାଧ୍ୟମ ଟାଇମ୍ସ ନାଓର ରିପୋର୍ଟ ଅନୁଯାୟୀ, ରଜିଆ ବିବିଙ୍କୁ ତିନି ବର୍ଷ ବୟସରେ ମୁଜାଫରବାଦକୁ ନିଆଯାଇଥିଲା । ୨୦୦୮ ରେ, ରଜିଆ ଏକ ହିଜବୁଲ ଆତଙ୍କବାଦୀଙ୍କୁ ବିବାହ କରିଥିଲେ । ୨୦୧୮ରେ ବାନ୍ଦିପୋରାରେ ସୁରକ୍ଷାବାହିନୀର ଏନକାଉଣ୍ଟରରେ ହିଜବୁଲ ଆତଙ୍କବାଦୀ ନିହତ ହୋଇଥିଲ। । ସ୍ୱାମୀଙ୍କ ମୃତ୍ୟୁର ଏକ ମାସ ପରେ, ରଜିଆ ବିବିଙ୍କୁ ଆତଙ୍କବାଦୀ ସଂଗଠନଗୁଡ଼ିକରୁ ସହାୟତା ଦିଆଯାଇଥିଲା କିନ୍ତୁ ପରେ ବନ୍ଦ କରିଦିଆଯାଇଥିଲା । ପରେ ରଜିଆ ବିବି କାଠମାଣ୍ଡୁ ଦେଇ ଭାରତ ଆସିଥିଲେ । ଭାରତ ଆସିବା ପରେ ତାଙ୍କୁ ଓ ତାଙ୍କ ପିଲାମାନଙ୍କୁ ସୁବିଧା ଯୋଗାଇ ଦିଆଯାଇଥିଲା ।
