ପ୍ରତିବର୍ଷ ପାଳିତ ହେଉଥିବା ଦୁଇଟି ନବରାତ୍ର ଚୈତ୍ର ଓ ଶାରଦୀୟ ନବରାତ୍ରରେ ଅଷ୍ଟମୀ ଓ ନବମୀ ତିଥିରେ କନ୍ୟା ପୂଜାର ପରମ୍ପରା ରହିଛି। ଚଳିତ ବର୍ଷ ୬ ଅକ୍ଟୋବରରେ ଦୁର୍ଗାଷ୍ଟମୀ ଓ ୭ ଅକ୍ଟୋବରରେ ନବମୀ। ନବରାତ୍ରରେ ଛୋଟ କନ୍ୟାମାନଙ୍କୁ ଦେବୀଙ୍କ ସ୍ୱରୂପ ବୋଲି ବିବେଚନା କରାଯାଇ ତାଙ୍କୁ ପୂଜାର୍ଚ୍ଚନା କରାଯାଏ। ମାନ୍ୟତା ଅନୁଯାୟୀ, ଦେବୀଙ୍କ ସ୍ୱରୂପ କନ୍ୟାଙ୍କ ଆଶୀର୍ବାଦ ମା’ଦୁର୍ଗାଙ୍କ କୃପା ଆଣିଥାଏ। ନବରାତ୍ର ବ୍ରତ ପାଳନ କରୁଥିବା ମହିଳା ଅଷ୍ଟମୀ କିମ୍ବା ନବମୀ ଦିନ କନ୍ୟାଙ୍କୁ ନିଶ୍ଚୟ ପୂଜା କରନ୍ତୁ। ସଠିକ ନିୟମ ସହ କନ୍ୟାଙ୍କୁ ପୂଜା କଲେ ମା’ଦୁର୍ଗାଙ୍କର ବିଶେଷ ଆଶୀର୍ବାଦ ଓ କୃପା ପ୍ରାପ୍ତି ହୋଇଥାଏ। ଜାଣନ୍ତୁ କନ୍ୟାଙ୍କୁ ପୂଜା କରିବାର ସଠିକ ବିଧି….
ପ୍ରଥମେ ଅଷ୍ଟମୀ ଓ ନବମୀ ଦିନ ପ୍ରାତଃ ସମୟରେ ସ୍ନାନ କରି ଭଗବାନ ଗଣେଶ ଓ ମା’ମହାଗୌରୀଙ୍କ ପୂଜା କରନ୍ତୁ।
ଦେବୀଙ୍କ ସ୍ୱରୂପ ୯ଟି ଛୋଟ ଅର୍ଥାତ ୧୧ ବର୍ଷ ମଧ୍ୟରେ ବୟସ ଥିବା କନ୍ୟାଙ୍କୁ ଘରକୁ ନିମନ୍ତ୍ରଣ କରନ୍ତୁ ଓ ସସମ୍ମାନର ସହ ଆସନରେ ବସାନ୍ତୁ।
ସର୍ବପ୍ରଥମେ ସ୍ୱଚ୍ଛ ଜଳରେ କନ୍ୟାମାନଙ୍କ ପାଦ ଧୋଇ ଦିଅନ୍ତୁ। ଏପରି କରିବା ଦ୍ୱାରା ପାପରୁ ମୁକ୍ତି ମିଳିଥାଏ ବୋଲି କୁହାଯାଏ।
ଏହାପରେ କନ୍ୟାମାନଙ୍କୁ ତିଳକ ଲଗାଇ ବସାନ୍ତୁ।
କନ୍ୟାଙ୍କ ହସ୍ତରେ ଲାଲ ରଙ୍ଗର ରକ୍ଷାସୂତ୍ର ବାନ୍ଧି ତାଙ୍କ ଚରଣରେ ପୁଷ୍ପ ରଖନ୍ତୁ।
ଏହାପରେ ନୂଆ ଥାଳିରେ ପୁରି, ହାଲୱା, ଚଣା ଆଦି ଶ୍ରଦ୍ଧା ପୂର୍ବକ ପରଷନ୍ତୁ।
ଏହାସହ କନ୍ୟାମାନଙ୍କୁ ମିଠାଦ୍ରବ୍ୟ ନିଜ ଶକ୍ତି ପୂର୍ବକ ବସ୍ତ୍ର, ଟଙ୍କା ଆଦି ଦାନ କରନ୍ତୁ।
କନ୍ୟାଙ୍କୁ ଭୋଜନ କରାଇବା ପରେ ଆଳତୀ କରି ତାଙ୍କୁ ଦେବୀ ବୋଲି ବିବେଚନା କରି ଚରଣ ସ୍ପର୍ଶ କରି ଆଶୀର୍ବାଦ ନିଅନ୍ତୁ। ଶେଷରେ ତାଙ୍କୁ ସମ୍ମାନ ପୂର୍ବକ ଘରର ଦରଜା କିମ୍ବା ତାଙ୍କ ଘର ଯାଏଁ ବିଦାୟ ଦିଅନ୍ତୁ।
ନବରାତ୍ରରେ କନ୍ୟା ପୂଜାର ମହତ୍ତ୍ୱ ଓ ବିଧି
Popular Categories
Previous article
Next article