କଣ୍ଟାବାଞ୍ଜି : କଣ୍ଟାବାଞ୍ଜି ଠାରୁ ୫କିମି ଦୂର ତୁରେକେଲା ବ୍ଲକ ଚଟୁ ଅନକା ପଂଚାୟତର କୁର୍ଲି ଗାଁରେ ଅନେକ ଦିନ ହେଲା ରାସ୍ତାକାମ ଚାଲିଛି। ଫଳରେ ଗାଁକୁ ପାଣି ଯୋଗାଣ ବନ୍ଦ ରହିଛି। ଏହାର ପ୍ରତିବାଦରେ ଆଜି କଣ୍ଟାବାଞ୍ଜି ବିକାଶ ପରିଷଦର ସଦସ୍ୟମାନଙ୍କ ସହିତ ବରିଷ୍ଠ ବିଜେଡି ନେତା ଅଜୟ ଦାସ ଗ୍ରାମ୍ୟ ପାନୀୟ ଜଳ ଯୋଗାଣ ବିଭାଗ ସହକାରୀ ନିର୍ବାହୀ ଯନ୍ତ୍ରୀଙ୍କ କାର୍ଯ୍ୟାଳୟକୁ ଯାଇ ଅଧିକାରୀଙ୍କ ସହିତ ଆଲେଚନା କରିଛନ୍ତି। ସହକାରୀ ନିର୍ବାହୀ ଯନ୍ତ୍ରୀ ଓ କନିଷ୍ଠ ଯନ୍ତ୍ରୀ ଅନୁପସ୍ଥିତ ଥିବାରୁ ଟେଲିଫୋନ ଯୋଗେ ଗାଁକୁ ଅତିଶୀଘ୍ର ପାଣି ଯୋଗାଣ କରିବାକୁ ଆଲୋଚନା କରିଥିଲେ। ଅନ୍ୟମାନଙ୍କ ମଧ୍ୟରେହରେରାମ ଦାସ, ଚୈତନ୍ୟ ରଣା, ଗୁଣମଣୀ ଭାଟି, ଏକାମ୍ବର ରଣା, ଅଭିରଣା, ପିତାମ୍ବର ରଣା, ସୋମନାଥ ରଣା ଙ୍କ ସହ ବହୁ ଗ୍ରାମବାସୀ ଉପସ୍ଥିତ ଥିଲେ।
Comments are closed.