କଂଟାବାଞ୍ଜି: କେନ୍ଦ୍ର ଓ ରାଜ୍ୟ ସରକାରଙ୍କ ଅହେତୁକ ଦରଦାମ ବୃଦ୍ଧି ପ୍ରତିବାଦରେ କଂଟାବାଞ୍ଜି ନଗର କଂଗ୍ରେସ ପକ୍ଷରୁ ବିଧାୟକ ସନ୍ତୋଷ ସିଂ ସାଲୁଜାଙ୍କ ନେତୃତ୍ୱରେ ଏକ ସାଇକେଲ ରାଲି ଓ ସହରରେ ସଚେତନ କାର୍ଯ୍ୟକ୍ରମ ହୋଇଯାଇଛି। ନଗର କଂଗ୍ରେସ ସଭାପତି ଡମ୍ବରୁଧର ବେହେରା ଅବାହକତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ କଂଗ୍ରେସ କର୍ମିମାନେ ଉଭୟ କେନ୍ଦ୍ର ଓ ରାଜ୍ୟ ସରକାର ବିଫଳତା ଯୋଗୁ ଅହେତୁକ ଦରଦାମ ବୃଦ୍ଧି ସାଙ୍ଗକୁ ପେଟ୍ରୋଲ ଡିଜେଲ,ରନ୍ଧନ ଗ୍ୟାସ ର ଦିନକୁ ଦିନ ଦାମ ବୃଦ୍ଧି ପାଇବା ପରିପ୍ରେକ୍ଷୀ ବିଧାୟକ ସାଲୁଜାଙ୍କ ସମେତ ଶତାଧିକ କଂଗ୍ରେସ କର୍ମି ସାଇକେଲ ରାଲିକରି ସହର ସାରା ବୁଲି ପଥପ୍ରାନ୍ତ ସଭାରେ ଜନସାଧାରଣଙ୍କୁ ସଚେତନ କିରିଥିଲେ।
ଏହି ରାଲିରେ ଅନ୍ୟମାନଙ୍କ ମଧ୍ୟରେ ଯୁବନେତା ସେଜି ସିଂ ସାଲୁଜା, ଟିମା ବେହେରା, କୁନୁ ହୋତା, ବବଲୁ ମହାନ୍ତି, ବିଜୟ ବେହେରା, ଘନଶ୍ୟାମ ଗୁପ୍ତା, ସୁଶୀଲ ରାଉତ, ଚମାର ସେଠ, ରାଜୁ ଅଗ୍ରୱାଲ, ରାକେଶ ସେଠ, ଧୂରୁ ଶର୍ମା, ଦୁଃଖୀଶ୍ୟାମ ରାୟ ପ୍ରମୁଖ ସାମିଲ ଥିଲେ। ସିଂଗଲ ପଡା ଛକରେ ଏକ ସଭାରେ ଯୋଗଦେଇ ସାହି ଓ ବସ୍ତି ବାସିନ୍ଦାଙ୍କୁ ଦରଦାମ ବୃଦ୍ଧି ଉପରେ ସଚେତନ କରାଇଥିଲେ ବିଧାୟକ ସାଲୁଜା।
