ଟିଟିଲାଗଡ଼ : ସାଧାରଣ ନିର୍ବାଚନ ନେଇ ସ୍ଥାନୀୟ ଡ଼ିଏଭି ସ୍ୱୟଂ ଶାସିତ ମହାବିଦ୍ୟାଳୟ ପରିସରରେ ଟିଟିଲାଗଡ଼ ଏବଂ କଣ୍ଟାବାଞ୍ଜି ବିଧାନସଭା ନିର୍ବାଚନ ମଣ୍ଡଳୀ ଲୋକସଭା ପାଇଁ ମତ ଗଣନା ଚାଲିଛି। ସୁରକ୍ଷା ଦୃଷ୍ଟିରୁ ୧୫ ପ୍ଲାଟୁନ ବିଏସଏଫ ଡ଼ିଏଭି କଲେଜରେ ମୁତୟନ ରହିଛନ୍ତି। କଣ୍ଟାବାଞ୍ଜି ନିର୍ବାଚନ ମଣ୍ଡଳୀରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଧାୟକ ଭାବରେ ନିର୍ବାଚନ ଲଢ଼ୁଥିବା ବେଳେ ଦ୍ଵିତୀୟ ରାଉଣ୍ଡ ସୁଦ୍ଧା ବିଜେପି ପ୍ରାର୍ଥୀଙ୍କ ଠାରୁ ୧୫୬ ଭୋଟରେ ଆଗୁଆ ଅଛନ୍ତି । ଟିଟିଲାଗଡ଼ ନିର୍ବାଚନ ମଣ୍ଡଳୀରେ ବିଜେଡି ପ୍ରାର୍ଥୀ ରାଜ୍ୟ ଜଳସମ୍ପଦ, ବାଣିଜ୍ୟ ଓ ପରିବହନ ମନ୍ତ୍ରୀ ଟୁକୁନି ସାହୁ ତାଙ୍କ ନିକଟତମ ପ୍ରତିଦ୍ବନ୍ଦି ବିଜେପିର ନବୀନ ଜୈନଙ୍କ ଠାରୁ ୫ମ ରାଉଣ୍ଡ ସୁଦ୍ଧା ୫୨୭୭ ଭୋଟରେ ଆଗୁଆ ଅଛନ୍ତି । ଟିଟିଲାଗଡ଼ ବିଧାନସଭା ନିର୍ବାଚନ ମଣ୍ଡଳୀ ପାଇଁ ୧୪ଟି ଟେବୁଲ ଏବଂ କଣ୍ଟାବାଞ୍ଜି ନିର୍ବାଚନ ମଣ୍ଡଳୀ ପାଇଁ ୧୨ଟି ଟେବୁଲ ଏବଂ ଲୋକସଭା ମତଗଣନା ପାଇଁ ଦୁଇ ନିର୍ବାଚନ ମଣ୍ଡଳୀରେ ସମାନ ସଂଖ୍ୟକ ଟେବୁଲ ବ୍ୟବସ୍ଥା କରାଯାଇଛି । ଏନେଇ ସ୍ୱତନ୍ତ୍ର ଭାବରେ ନିଯୁକ୍ତ କେନ୍ଦ୍ରୀୟ ପର୍ଯ୍ୟବେକ୍ଷକ ସୋମବାରଠାରୁ ଟିଟିଲାଗଡ଼ ପହଞ୍ଚି ବ୍ୟବସ୍ଥା ତଦାରଖ କରିଛନ୍ତି । ଟିଟିଲାଗଡ଼ ନିର୍ବାଚନ ମଣ୍ଡଳୀ ରିଟର୍ନିଙ୍ଗ ଅଧିକାରୀ ତଥା ଉପଜିଲାପାଳ ରେହାନ ଖତ୍ରୀ, କଣ୍ଟାବାଞ୍ଜି ନିର୍ବାଚନ. ମଣ୍ଡଳୀ ରିଟର୍ନିଙ୍ଗ ଅଧିକାରୀ ତଥା ବଲାଙ୍ଗୀର ଅତିରିକ୍ତ ଜିଲାପାଳ ପବିତ୍ର ବେହେରାଙ୍କ ତତ୍ୱାବଧାନରେ ସକାଳ 7ଟାରୁ ମତ ଗଣନା ଆରମ୍ଭ ହୋଇଛି ।
Comments are closed.