ପାଟଣା : କେନ୍ଦୁଝର ଜିଲ୍ଲା ପଦ୍ମପୁର ଅଞ୍ଚଳରେ ଘରୋଇ ଛେଳି ଚରାଳି ଭାବେ ରହିଥିବା ଜଣେ ୧୦ ବର୍ଷର ନାବାଳକକୁ ଘର ମାଲିକ ବାହାର କରିଦେବା ପରେ ଆଜି ଏହି ନାବାଳକକୁ ଅସହାୟ ଅବସ୍ଥାରେ ପାଟଣା ବ୍ଲକ୍ ବାଉଁଶୁଳି ଛକରେ ଦେଖିବାକୁ ମିଳିଥିଲା। ଖବର ପାଇ ବାଉଁଶୁଳି ସରପଞ୍ଚ କ୍ଷେତ୍ରବାସୀ ନାଏକ ସ୍ଥାନୀୟ ଆଶାକର୍ମୀ ଓ ଅଙ୍ଗନବାଡି କର୍ମୀମାନଙ୍କୁ ନେଇ ବାଉଁଶୁଳି ଛକକୁ ଆସିବା ପରେ ପିଲାଟିର ଭଲମନ୍ଦ ପଚାରି ବୁଝିଥିଲେ। ନାବାଳକ ଜଣକ ଢେଙ୍କାନାଳ ଜିଲ୍ଲା କଙ୍କଡ଼ାହାଡ଼ ନିକଟ କାଳିମାଟି ଗ୍ରାମର ବୋଲି ଜଣାପଡିଛି। ଘର ମାଲିକ ତାଙ୍କୁ ଘରୁ ବାହାର କରିଦେବାରୁ ସେ ଗତ କାଲି ଠାରୁ ଚାଲି ଚାଲି ଆସି ବାଉଁଶୁଳିରେ ଆସି ପହଞ୍ଚିଛି ବୋଲି କହିଥିଲା। ଏନେଇ ସରପଞ୍ଚ ପାଟଣା ବି.ଡି.ଓ ଙ୍କ ସହ ଯୋଗାଯୋଗ କରିବା ପରେ ବି.ଡି.ଓ ଙ୍କ ନିର୍ଦ୍ଦେଶରେ ନାବାଳକ ଜଣଙ୍କୁ ବାଉଁଶୁଳିର ଏକ ବିଦ୍ୟାଳୟରେ ରଖାଯାଇଛି। ପଞ୍ଚାୟତ ତରଫରୁ ଲକ୍ ଡାଉନ୍ ଶେଷ ହେବା ପର୍ଯ୍ୟନ୍ତ ଖାଇବାକୁ ଦିଆଯିବ।
Comments are closed.