ଦୁଇ ବର୍ଷ ପୁରୁଣା ମାମଲାରେ ରିପବ୍ଲିକ ଟିଭି ସମ୍ପାଦକ ଅର୍ଣ୍ଣବ ଗୋସ୍ୱାମୀଙ୍କୁ ତାଙ୍କ ଘରୁ ବୁଧବାର ସକାଳେ ମୁମ୍ବାଇ ପୁଲିସ ଗିରଫ କରିଛି। ସେମାନଙ୍କ ସହ ଅନ୍ୟ ଦୁଇ ଜଣଙ୍କୁ ମଧ୍ୟ ଗିରଫ କରାଯାଇଛି । ଜଣେ ଇଣ୍ଟରିୟର ଡ଼ିଜାଇନର ଓ ତାଙ୍କ ମା’ଙ୍କୁ ଆତ୍ମହତ୍ୟା ଲାଗି ବାଧ୍ୟ କରିବା ଅଭିଯୋଗରେ ଅର୍ଣବଙ୍କ ବିରୋଧରେ ପୁଲିସ ଏହି ପଦକ୍ଷେପ ନେଇଥିବା କୁହାଯାଉଛି । ଅର୍ଣବଙ୍କ ଗିରଫକୁ ନେଇ ଏଡ଼ିଟର୍ସ ଗିଲ୍ଡ଼ ଉଦବେଗ ପ୍ରକାଶ କରିଛି । ବିଭିନ୍ନ ମହଲରେ ଏହି ଗିରଫଦାରୀକୁ ନିନ୍ଦା କରାଯାଇଛି । ଏହି ସ୍ଥିତିରେ ବଲିଉଡ଼ ଅଭିନେତ୍ରୀ କଙ୍ଗନା ରଣାୱାତଙ୍କ ‘ପେଙ୍ଗୁଇନ୍’ ଟ୍ବିଟ୍ ଭାଇରାଲ ହୋଇଛି । ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ଆକ୍ଷେପ କରି ‘ପେଙ୍ଗୁଇନକେ ଗୁସସା କ୍ୟୁଁ ଆତା ହୈ’ ବୋଲି ଟ୍ବିଟରେ ଲେଖିଛନ୍ତି ।
Message for Maharashtra government @republic #Arnab #ArnabWeAreWithYou #ArnabGoswami pic.twitter.com/AJizRCitS7
— Kangana Ranaut (@KanganaTeam) November 4, 2020
ସେ ଟ୍ବିଟରେ ଲେଖିଛନ୍ତି – ଆପଣ କେତେ ଘର ଭାଙ୍ଗିବେ? ମୁଁ ମହାରାଷ୍ଟ୍ର ସରକାରଙ୍କୁ ପଚାରିବାକୁ ଚାହେଁ ଯେ ଆପଣ ଆଜି ଅର୍ଣ୍ଣବ ଗୋସ୍ୱାମୀଙ୍କ ଘରେ ଧସେଇ ପଶିଛନ୍ତି । ତାଙ୍କ ମୁଣ୍ଡର କେଶ ଭିଡ଼ିଛନ୍ତି, ଆକ୍ରମଣ କରିଛନ୍ତି । ତୁମେ କେତେ ଘର ଭାଙ୍ଗିବ, କେତେ ଗଳା, କେତେ କେଶ ଟାଣିବ, କେତେ ସ୍ୱର ବନ୍ଦ କରିବ?
ସେହିପରି ମହାରାଷ୍ଟ୍ର ସରକାରଙ୍କୁ ସେ ସୋନିଆ ସେନା ବୋଲି ଉଲ୍ଲେଖ କରିଛନ୍ତି । ପଚାରିଛନ୍ତି କେତେ ଲୋକଙ୍କ ପାଟି ବନ୍ଦ କରିବ । ଅତୀତରେ ଅନେକ ସହିଦଙ୍କ ମୁଣ୍ଡ କାଟି ଦିଆଯାଇଛି, ଫାଶୀ ଦିଆଯାଇଛି । ଆପଣ କେତେଜଣଙ୍କ ସ୍ବର ବନ୍ଦ କରିବେ? ଆପଣଙ୍କୁ କେହି ପେଙ୍ଗୁଇନ କହିଲେ ଆପଣଙ୍କୁ ରାଗ ଆସୁଛି । ତେଣୁ ଏବେ ଆପଣ ତ ପେଙ୍ଗୁଇନ ପରି ଲାଗୁଛନ୍ତି । ତେଣୁ ଆପଣଙ୍କୁ ପେଙ୍ଗୁଇନ କୁହାଯିବା ଯଥାର୍ଥ । ଯଦି ଆପଣ ପପ୍ପୁ ପରି କାମ କରିବେ ଲୋକ ଆପଣଙ୍କୁ ପପ୍ପୁ ସେନା ବି କହିବେ । ସୋନିଆ ସେନା କହିଲେ ଯଦି ତୁମକୁ କ୍ରୋଧ ଆସୁଛି, ତେବେ ତୁମେ ସୋନିଆ ସେନା ବୋଲି କଙ୍ଗନା ଉଲ୍ଲେଖ କରିଛନ୍ତି ।
ସେ ସେୟାର କରିଥିବା ଭିଡ଼ିଓର ଶୀର୍ଷକରେ ଲେଖିଛନ୍ତି ମହାରାଷ୍ଟ୍ର ସରକାରଙ୍କ ନିମନ୍ତେ ସନ୍ଦେଶ । ସ୍ବାଧୀନତାର ଋଣ ପରିଶୋଧ କରିବାକ ହେବ ବୋଲି ଉଲ୍ଲେଖ କରି ଅର୍ଣବଙ୍କ ପ୍ରସଙ୍ଗ ସେ ଏଥିରେ ଲେଖିଛନ୍ତି । ମହାରାଷ୍ଟ୍ର ସରକାର ତାଙ୍କର ଶାଶୁ, ଶଶୁର, ପତ୍ନୀଓ ପୁଅଙ୍କୁ ପିଟିଛନ୍ତି ବୋଲି ମଧ୍ୟ କଙ୍ଗନା ଉଲ୍ଲେଖ କରିଛନ୍ତି ।
