କାମାକ୍ଷାନଗର : କାମାକ୍ଷାନଗର ଉପଖଣ୍ଡର ପରଜଙ୍ଗ ଥାନା ସାଦନପଦାରେ ଜଣେ ବ୍ୟବସାୟୀଙ୍କ ଘରୁ ଛଅ ଜଣ ଦୁର୍ବୃତ୍ତ ନଗଦ ୭ ଲକ୍ଷ ଟଙ୍କା ସହ ୧୫ ଲକ୍ଷ ଟଙ୍କାର ସୁନାଗହଣା ଲୁଟ କରି ନେଇଥିବାର ଥାନାରେ ଅଭିଯୋଗ ହୋଇଛି । ଗତକାଲି ଗୁରୁବାର ରାତିରେ ପରଜଙ୍ଗ ସାଦନପଡାରେ ଥିବା ବ୍ୟବସାୟୀ ବିନୟ କୁମାର ସାହୁଙ୍କ ଘରୁ ଛଅ ଜଣ ଦୁର୍ବୃତ୍ତ ଘରର ସିଡ଼ିରେ ଆସି ପ୍ରଥମେ ବନ୍ଧୁକ ଓ ବିଭିନ୍ନ ମାରଣାସ୍ତ୍ର ଦେଖାଇ ଘରର ସଦସ୍ୟ ମାନଙ୍କୁ ଗୋଟିଏ ଘର ଭିତରେ ଭର୍ତି କରି ବାହାରୁ କବାଟ ବନ୍ଦ କରିଦେଇଥିଲେ । ପରେ ଘରର ସମସ୍ତ ଆସବାବପତ୍ର ଓ ଲକର ଖୋଲି ଲୁଟ କରି ନେଇଥିଲେ ଟଙ୍କା, ସୁନା, ରୂପା ଗହଣା । ବ୍ୟବସାୟୀ ବିନୟ ଘରେ ନଥିବା ସମୟରେ ଦୁର୍ବୃତ୍ତ ମାନେ ଏଭଳି କାଣ୍ଡ ଘଟାଇଛନ୍ତି। ଆଜି ଥାନାରେ ଅଭିଯୋଗ ପରେ ପୁଲିସ ପକ୍ଷରୁ ତଦନ୍ତ ଆରମ୍ଭ କରାଯାଇ ଜିଲ୍ଲା ବୈଜ୍ଞାନିକ ଦଳ ଓ ସନ୍ଧ।ନୀ କୁକୁରକୁ ନେଇ ଘଟଣା ସ୍ଥଳ ଅନୁସନ୍ଧାନ କରାଯାଇଛି । ଏକ ବଡ଼ ଚୋର ଗ୍ୟାଙ୍ଗ ଏଥିରେ ସାମିଲ ଥିବାର ସୂଚନା ମିଳିଛି।
Comments are closed.