କଲ୍ୟାଣସିଂହପୁର: ରାୟଗଡ଼ା ଜିଲା କଲ୍ୟାଣସିଂହପୁର ବ୍ଲକ ସଦର ସରକାରୀ ଉଚ୍ଚ ବିଦ୍ୟାଳୟରେ ସ୍ୱାସ୍ଥ୍ୟ ବିଭାଗ ପକ୍ଷରୁ ମାନସିକ ରୋଗକୁ ନେଇ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏଥିରେ ଜିଲା ମାନସିକ ସ୍ୱାସ୍ଥ୍ୟ ସହାୟକପୂର୍ଣ୍ଣ କାଦମ୍ବାଲୁ, ସମୀରିଜିତ ଖୁଣ୍ଟିଆ, ଗୋଷ୍ଠୀ ଜନସ୍ବାସ୍ଥ୍ୟ ସମ୍ପ୍ରସାରଣ ଅଧିକାରୀ ସୁରେଶ କୁମାର ମହାନ୍ତି, ପୁରୁଷ ସ୍ୱାସ୍ଥ୍ୟ କର୍ମୀ ରବି ନାରାୟଣ ଦାସ, ଶିକ୍ଷକ ରାମଚନ୍ଦ୍ର ପ୍ରଧାନ ଉପସ୍ଥିତ ରହି ବିଦ୍ୟାଳୟରେ ଛାତ୍ରଛାତ୍ରୀମାନଙ୍କୁ ମାନସିକ ରୋଗ ଲକ୍ଷଣ ଓ ପ୍ରତିକାର ବିଷୟରେ ସଚେତନତା କରିଥିଲେ। ଛାତ୍ରଛାତ୍ରୀମାନଙ୍କୁ ମାନସିକ ରୋଗ ହେଲେ ପାଠପଢାରେ ମନଲାଗିବ ନାହିଁ, ବିରକ୍ତ ସଭାବ, ଶାରୀରିକ, ସାମାଜିକ, ଶିକ୍ଷା ଜନିତ ସମସ୍ୟା ହେବ ଏବଂ ସେମାନେ ଏହାକୁ ଲୁଚାଇ ରଖୁଛନ୍ତି। ଶିକ୍ଷକ, ଶିକ୍ଷୟିତ୍ରୀ, ଅଭିଭାବକମାନଙ୍କୁ କହିବାକୁ ଡରୁଛନ୍ତି। ଏଥି ନିମନ୍ତେ ସ୍ୱାସ୍ଥ୍ୟ ବିଭାଗ ପକ୍ଷରୁ ଟେଲିମାନସ ଟୋଲ ଫ୍ରି ନମ୍ବର୧୪୪୧୬ରେ ଗୁପ୍ତ ଭାବରେ ଯୋଗାଯୋଗ କରିବା ପାଇଁ ସଚେତନ କରିଥିଲେ। ଏହାକୁ ଗୋଷ୍ଠି ଜନ ସ୍ବାସ୍ଥ୍ୟ ସମ୍ପ୍ରସାରଣ ଅଧିକାରୀ ସୁରେଶ କୁମାର ମହାନ୍ତି ଜିଲା ଅଧିକାରୀଙ୍କୁ ସହଯୋଗ କରି କାର୍ଯ୍ୟକ୍ରମକୁ ପରିଚାଳନା କରିଥିଲେ।
Comments are closed.