www.samajalive.in
Monday, December 8, 2025
13.1 C
Bhubaneswar

କଲମପୁର ଅଞ୍ଚଳରେ କାଳବୈଶାଖୀ ପ୍ରଭାବ ; ଉପୁଡିଲା ଗଛ,  ଉଡିଲା ଘରର ଛାତ

କଲମପୁର :  କଲମପୁର ଅଂଚଳରେ ଶୁକ୍ରବାର କାଳବୈଶାଖୀ ତାଣ୍ଡବ ରଚିଛି। ପବନର ଘୋ ଘୋ ଗର୍ଜନ ସହ ବିଜୁଳି ଓ ଘଡଘଡି ଶବ୍ଦରେ ପ୍ରକମ୍ପିତ ହେଇ ଉଠିଲା ସାରା ଅଂଚଳ। ମାତ୍ର ୨୦ରୁ ୨୫ ମିନିଟ ମଧ୍ୟରେ ତାଣ୍ଡବ ରଚିଲା କାଳବୈଶାଖୀ । କେଉଁଠି ବିଦ୍ୟୁତ୍ ଖୁଣ୍ଟ ଭାଙ୍ଗି ଗଲା ତ ପୁଣି କେଉଁଠି ଗଛ ଉପୁଡି ପଡିଲା ପୁଣି କେଉଁଠି ଘରର ଛାତ ସବୁ ଉଡିଗଲା।


ଶୁକ୍ରବାର ଦିନ ଗୋଟାଏ ୪୦ ବେଳେ କାଳବୈଶାଖୀର ପ୍ରଭାବରେ କଲମପୁର ବ୍ଲକର ଭେଲାଗାଁ, କର୍ମେଲ, କଲମପୁର, ବରଗାଁ, କସାବାହୀ, ଶାଗବାରୀ, ଘୋଡାବନ୍ଧା, ଘର୍ଲା, ପୋଟେସ, ପାଜେନ, ପଣ୍ଡିଗାଁ, ଗୁମାବାହାଲ ଆଦି ଗାଁ ପ୍ରବାବିତ ହେଇଛି। ଶାଗବାରୀ, ପାଜେନ, ପୋଟେସର ବହୁ ଲୋକଙ୍କ ଘର ଛାତ ଉଡିଯାଇଥିବା ବେଳେ କିଛି ଲୋକଙ୍କ ଘର ଉପରେ ଗଛ ପଡିଯିବାରୁ ତାହା ଭାଙ୍ଗି ଯାଇଛି । ସେହିଭଳି କଲମପୁର ଗୋଷ୍ଟୀ ସ୍ୱାସ୍ଥ୍ୟ କେନ୍ଦ୍ରର ସାଇନବୋର୍ଡ ଭାଙ୍ଗି ଯାଇଥିବା ବେଳେ ଅନେକ ଗଛ ଭାଙ୍ଗିଯାଇଛି । କଲମପୁର ପ୍ରାଥମିକ ବିଦ୍ୟାଳୟ, କର୍ମେଲ ପ୍ରାଥମିକ ବିଦ୍ୟାଳୟ ଏବଂ ବେଲପଡା ପ୍ରାଥମିକ ବିଦ୍ୟାଳୟ ସମେତ କଲମପୁର ଖେଳ ପଡିଆର ମଂଚରେ ଲାଗିଥିବା ଆଜବେଷ୍ଟ ଛାତ ଉଡିଯାଇଛି। ପୋଟେସ ବଳବଦ୍ର ସୁନାନୀଙ୍କ ଘର ଭାଙ୍ଗିଯାଇଥିବା ବେଳେ ଦୀନ ବନ୍ଧୁ ବେହରାଙ୍କ ପିକଅପ ଗାଡି ଉପରେ ଗଛ ଭାଙ୍ଗି ପଡିବାରୁ ଗାଡିର କିଛି ଅଂଶ ନଷ୍ଟ ହେଇଛି। ପାଜେନର କୈଳାସ ହଂସ, ଶାଗବାରୀ ଗ୍ରାମର ପଦ୍ମନାଭ ସାହୁଙ୍କ ଘର ସମ୍ପୂର୍ଣ୍ଣ ଭାଙ୍ଗି ଯାଇଛି। ସେହିଭଳି ଅନେକ ସ୍ଥାନରେ ବିଦ୍ୟୁତ୍ ଖୁଣ୍ଟ ଭାଙ୍ଗି ଯିବା ସହ ତାର ସବୁ ଛଣ୍ଡି ପଡିଛି ଯାହା ଫଳରେ ବିଦ୍ୟୁତ୍ ସେବା ବ୍ୟାହତ ହେଇଛି। କ୍ଷୟକ୍ଷତି ପରିମାଣ ବହୁ ଅଧିକ ହେବା ଆଶଂକା କରାଯାଉଛି।

Hot this week

ଇଣ୍ଡିଗୋରେ ଅଚଳାବସ୍ଥା ଜାରି; ପୁଣି ୬୫୦ ବିମାନ ବାତିଲ

ନୂଆଦିଲ୍ଲୀ: ଦେଶର ସର୍ବବୃହତ ଘରୋଇ ଏୟାରଲାଇନ୍ସ କମ୍ପାନୀ ଇଣ୍ଡିଗୋରେ କ୍ରମାଗତ ୬ଷ୍ଠ...

ଆଖି ବୁଜିଲେ ପୀଡିତା ଛାତ୍ରୀ

ସମାଜ ଡିଜିଟାଲ ଡେସ୍କ: ନିଆଁରେ ପୋଡି ହୋଇଥିବା ରାଜଗାଙ୍ଗପୁର ଲାଞ୍ଜିବେରାନାର ଗୁରୁତର...

ଟି-୨୦ ବିଶ୍ବ କପ ଜର୍ସି ଉନ୍ମୋଚନ

ରାୟପୁର: ଭାରତୀୟ କ୍ରିକେଟ୍‌‌ ଦଳର ଅଫିସିଆଲ୍‌‌ କିଟ୍‌‌ ପ୍ରାୟୋଜକ ଆଡିଡାସ୍‌‌ ବିସିସିଆଇ...

ସୋମବାର ରାଶିଫଳ: ଆଜି ଏହି ରାଶିରେ ଋଣ ପରିଶୋଧ ହେବ

ମେଷ: ମନ ପ୍ରଫୁଲ୍ଲ ରହିବ। ଦେବଦର୍ଶନରେ ସମସ୍ତ କଳ୍ମଷ ଦୂର ହେବ।...

ପ୍ରସିଦ୍ଧ ଯାତ୍ରା ହାସ୍ୟ ଅଭିନେତା ଗୁରୁ ପୃଷ୍ଟିଙ୍କ ପରଲୋକ ।

ଭୁବନେଶ୍ୱର-ପ୍ରସିଦ୍ଧ ଯାତ୍ରା ହାସ୍ୟ ଅଭିନେତା ଗୁରୁ ପୃଷ୍ଟିଙ୍କ ପରଲୋକ । ଦୁର୍ଘଟଣାରେ...

Related Articles

Popular Categories