କଲମପୁର: ଜଙ୍ଗଲର ଅନ୍ୟ ନାମ ଜୀବନ। ଜଙ୍ଗଲରୁ ଆମକୁ ଖାଦ୍ୟ ମିଳୁଛି। ଜଙ୍ଗଲରେ ଥିବା ଗଛରୁ ଆମକୁ ଅମ୍ଳଜାନ ମିଳୁଛି। ମୂର୍ତ୍ତିକା ସଂରକ୍ଷଣ ପାଇଁ ଗଛର ଆବଶ୍ୟକତା ଥିବା ବେଳେ ତାପମାତ୍ର ନିୟନ୍ତ୍ରଣ କ୍ଷେତ୍ରରେ ବୃକ୍ଷର ଭୂମିକା ଗୁରୁତ୍ବପୂର୍ଣ୍ଣ। ଏଭଳି ଏକ ବାର୍ତ୍ତା ନେଇ କଲମପୁର ଓଡିଶା ଆଦର୍ଶ ବିଦ୍ୟାଳୟ ପରିସରରେ ଚାରା ରୋପଣ କାର୍ଯ୍ୟ କ୍ରମ ଆୟୋଜିତ ହେଇଯାଇଛି। ଏଥିରେ ବିଦ୍ୟାଳୟର ଛାତ୍ର ଛାତ୍ରୀମାନେ ଅଂଶଗ୍ରହଣ କରି ଚାରା ରୋପଣର ମହତ୍ୱ ସମ୍ବନ୍ଧରେ ଜାଣିବା ସହ ଗଛ ବଞ୍ଚିଇ ରଖିବା ପାଇଁ ଶପଥ ନେଇଛନ୍ତି। ଏହି କାର୍ଯ୍ୟକ୍ରମରେ ବିଡିଓ ପ୍ରଶନ୍ନ କୁମାର ପଟେଲ ଉପସ୍ଥିତ ଥିବା ବେଳେ କନିଷ୍ଠ ଯନ୍ତ୍ରୀ ନବିନ କୁମାର ଟୁଡୁ, ଇନ୍ଦ୍ରମଣି ସାହୁ ଏବଂ ବିଦ୍ୟାଳୟର ଅଧ୍ୟକ୍ଷ, ଶିକ୍ଷକ ଓ ଅନ୍ୟ କର୍ମ·ରୀ ମାନେ ଉପସ୍ଥିତ ରହି ଛାତ୍ର ଛାତ୍ରୀଙ୍କୁ ଗଛର ବଂ·ଇବା ନେଇ ଉତ୍ସାହିତ କରିଥିଲେ। ଆଗାମୀ ଦିନରେ କଲମପୁର ଅଞ୍ଚଳର ପ୍ରତି ବିଦ୍ୟାଳୟ ସମେତ ସରକାରୀ ଜମିରେ ଗଛ ଲଗାଇ ଏକ ଉଦାହରଣ ସୃଷ୍ଟି କରାଯିବା ପାଇଁ ଛାତ୍ର ଛାତ୍ରୀ ଆଗ୍ରହ ପ୍ରକାଶ କରିଛନ୍ତି। ଘର ପୋଡିଲେ ବଣକୁ ଯିବା କିନ୍ତୁ ବଣ ପୋଡିଲେ କେଉଁଠି ରହିବା ? ଏଭଳି ଶ୍ଲୋଗାନ ଦେଇ ଛାତ୍ର ଛାତ୍ରୀ ମାନେ ଗଛ ଚାରା ଲଗାଇଥିଲେ।
Comments are closed.