ଭୁବନେଶ୍ୱର: ଗତକାଲି ଘଟଣା ପରେ ବିଧାନସଭା ପ୍ରେସ ଗ୍ୟାଲେରିରେ ସାମ୍ବାଦିକଙ୍କୁ ମୋବାଇଲ ବ୍ୟବହାର ପାଇଁ ମନା କରାଯାଇଛି। ଗୃହରେ ଗତକାଲି ଘଟିଥିବା ଘଟଣାକୁ ସର୍ବସାଧାରଣରେ ପ୍ରକାଶ କରାଯାଇଥିବାରୁ ସାମ୍ବାଦିକମାନଙ୍କୁ ବିଧାନସଭା ପ୍ରେସ ଗ୍ୟାଲେରିରେ ମୋବାଇଲ ବ୍ୟବହାର ନେଇ ସରକାରଙ୍କ ପକ୍ଷରୁ ମୋବାଇଲ ବ୍ୟବହାର ପାଇଁ କଟକଣା ଲାଗୁ କରାଯାଇଛି। ଏହାର ପ୍ରତିବାଦରେ ସାମ୍ବାଦିକମାନେ ବିଧାନସଭା ପରିସରରେ ଥିବା ଗାନ୍ଧୀମୂର୍ତ୍ତି ତଳେ ଧାରଣା ଦେଇଛନ୍ତି। ଗତକାଲି ଗୃହରେ ଘଟିଥିବା ଅଭାବନନୀୟ ଘଟଣା ପାଇଁ ପ୍ରେସ ଗ୍ୟାଲେରିରେ ସାମ୍ବାଦିକମାନଙ୍କ ମୋବାଇଲ ବ୍ୟବହାରକୁ ବାରଣ କରାଯାଇଛି।
ଅପରପକ୍ଷରେ ସାମ୍ବାଦିକଙ୍କ ଉପରେ ଲାଗୁ କରାଯାଇଥିବା କଟକଣାକୁ ହଟାଇବା ପାଇଁ ବାଚସ୍ପତିଙ୍କ ନିକଟରେ ଓଡ଼ିଶା ସାମ୍ବାଦିକ ସଂଘ ଦାବି କରିଛି। ବିଧାନସଭାରେ ସାମ୍ବାଦିକମାନେ ମୋବାଇଲ ବ୍ୟବହାର ମନା ନିଷ୍ପତ୍ତି ବାଚସ୍ପତି ପୁନଃବିଚାର କରନ୍ତୁ ବୋଲି ସଂଘ ପକ୍ଷରୁ ପ୍ରକାଶ କରାଯାଇଛି।
ଏ ସମ୍ପର୍କରେ ଶାସକଦଳର ମୁଖ୍ୟସଚେତକ ଏବଂ ବିଧାୟକମାନେ ସାମ୍ବାଦିକମାନଙ୍କ ସହ ଆଲୋଚନା ପାଇଁ ପ୍ରସ୍ତାବ ରଖିଛନ୍ତି। ବିଧାନସଭାରେ ଆଲୋଚନା ପରେ ହିଁ ନିଷ୍ପତ୍ତି ନିଆଯିବ ବୋଲି ସେମାନେ କହିଛନ୍ତି।
Comments are closed.