ଝାରସୁଗୁଡ଼ା: ଚାକିରି ନାଁରେ ଠକେଇ ଅଭିଯୋଗରେ ଗୁରୁବାର ବଡ଼ମାଳ ପୁଲିସ ୪ ଜଣ ଦଲାଲଙ୍କୁ ଗିରଫ କରିଛି । ସେମାନଙ୍କଠାରୁ ଏକ କାର, ୫୪ ହଜାର ଟଙ୍କା ଜବତ କରିବାସହ ୪୦-୫୦ ଜଣଙ୍କର ବୟୋଡାଟା ପୁଲିସ ଜବତ କରିଛି । ଏହି ରାକେଟ୍ର ଚେର କେଉଁ ଯାଏଁ ଲମ୍ବିଛି ଏବଂ କିଏ କିଏ ଏହି ଗ୍ୟାଙ୍ଗରେ ସାମିଲ ଅଛନ୍ତି ସେନେଇ ପୁଲିସ ଅଧିକ ଖୋଳତାଡ ଜାରି ରଖିଛି ।
ସୂଚନାଯୋଗ୍ୟ, ଝାରସୁଗୁଡ଼ା ସ୍ଥିତ ବେଦାନ୍ତ କମ୍ପାନୀରେ ଚାକିରି କରି ଦେବାକୁ କହି କିଛି ଦଲାଲ ଯୁବକ ଯୁବତୀଙ୍କ ଠାରୁ ଟଙ୍କା ଲୁଟୁଥିଲେ । ସେମାନଙ୍କ ଠାରୁ ଟଙ୍କା ଓ ବାୟୋଡାଟା ନେଲା ପରେ ଆଉ ଧରାଛୁଆଁ ଦେଉ ନଥିଲେ । ଏନେଇ ଥାନାରେ ଅଭିଯୋଗ ହେବା ପରେ ପୁଲିସ ବିଭିନ୍ନ ସ୍ଥାନରେ ଚଢ଼ାଉ କରି ସଂପୃକ୍ତ ଦଲାଲମାନଙ୍କ ମଧ୍ୟରୁ ୪ ଜଣଙ୍କୁ ବେଦାନ୍ତ କମ୍ପାନୀ ଗେଟ୍ ସାମ୍ନାରୁ ଗିରଫ କରିଛି । ଏହି ଘଟଣାର ଅଧିକ ତଦନ୍ତ ଜାରି ରହିଛି ।
Comments are closed.