ଶ୍ରୀନଗର : କଡ଼ା ସୁରକ୍ଷା ବ୍ୟବସ୍ଥା ମଧ୍ୟରେ ଜମ୍ମୁ-କାଶ୍ମୀରରେ ତୃତୀୟ ପର୍ଯ୍ୟାୟ ପୌର ନିର୍ବାଚନ ଶନିବାର ଶାନ୍ତିପୂର୍ଣ୍ଣ ଭାବେ ଶେଷ ହୋଇଛି। ଏହି ପର୍ଯ୍ୟାୟରେ ୯୬ଟି ୱାର୍ଡ଼ପାଇଁ ୮୪ ଜଣ ମହିଳାଙ୍କ ସମେତ ୩୬୫ ଜଣ ପ୍ରାର୍ଥୀ ପ୍ରତିଦ୍ୱନ୍ଦ୍ୱିତା କରୁଛନ୍ତି। ଆଜି ୮ଟି ପୌର ସଂସ୍ଥା ପାଇଁ ନିର୍ବାଚନ ଅନୁଷ୍ଠିତ ହୋଇଛି। ସକାଳ ୬ଟାରୁ ଅପରାହ୍ନ ୪ଟା ପର୍ଯ୍ୟନ୍ତ ମତଦାନ କରାଯାଇଥିଲା। ଜମ୍ମୁ-କାଶ୍ମୀର ମୁଖ୍ୟ ନିର୍ବାଚନ ଅଧିକାରୀ ଶାଲିନ୍ କାବ୍ଡା କହିଛନ୍ତି, ତୃତୀୟ ପର୍ଯ୍ୟାୟ ନିର୍ବାଚନରେ ଶତକଡ଼ା ୧୬ ଦଶମିକ ୪ ଭାଗ ମତଦାନ ହୋଇଛି । ଜମ୍ମୁ ଡିଭିଜନ୍ର ସାମ୍ବା ଜିଲ୍ଲାରେ ଶତକଡ଼ା ୮୨ ଭାଗ ମତଦାନ ହୋଇଛି । କାଶ୍ମୀର ଡିଭିଜନ୍ରେ ଶତକଡ଼ା ୩ ଦଶମିକ ୫ ଭାଗ ମତଦାନ ହୋଇଛି । ଉଡ଼ି ପୌରପାଳିକା କମିଟିରେ ସର୍ବାଧିକ ଶତକଡ଼ା ୭୫ ଦଶମିକ ୩ ଭାଗ ମତଦାନ ହୋଇଛି । ଶ୍ରୀନଗରରେ ସବୁଠୁ କମ୍ ଶତକଡ଼ା ୧ ଦଶମିକ ୮ ଭାଗ ମତଦାନ ହୋଇଛି ।
ତେବେ ପ୍ରଥମ ଦୁଇଟି ପର୍ଯ୍ୟାୟରେ ଅନୁଷ୍ଠିତ ମତଦାନରେ ୪୭.୨ ପ୍ରତିଶତ ମତଦାତା ସେମାନଙ୍କର ମତାଧିକାର ସାବ୍ୟସ୍ତ କରିଛନ୍ତି।