ଝୁମ୍ପୁରା: ଗତ ଲଗାଣ ବର୍ଷାରେ ଘର ଭାଙ୍ଗିଥିବା ପରିବାରକୁ ଆର୍ଥିକ ସହାୟତା ଯୋଗାଇ ଦେବା ପାଇଁ କ୍ଷତିଗ୍ରସ୍ଥ ପରିବାର ଗୁଡିକ ରାଜସ୍ୱ ବିଭାଗ ପାଖରେ ଲିଖିତ ଅଭିଯୋଗ କରିଥିଲେ। ଚଉଠିଆ ରାଜସ୍ୱ ଅଧିକାରୀ ଅଜୟ କୁମାର ଦାସ ତାଙ୍କ ଅଧୀନରେ ରହିଥିବା ଚଉଠିଆ ପଞ୍ଚାୟତ ସମେତ ଗୁଣ୍ଡୁଣିଆଁ, ଅସନପାଟ ପଞ୍ଚାୟତର ବିଭିନ୍ନ ସାହିରେ ଭାଙ୍ଗିଥିବା ଘର ଗୁଡିକ ବୁଲି ଦେଖିଥିଲେ। ଏହାପରେ ସେ ସୋମବାର କ୍ଷତି ଗ୍ରସ୍ଥ ପରିବାରକୁ ପଲିଥିନ ଯୋଗାଇ ଦେଇଥିବା ଦେଖିବାକୁ ମିଳିଛି। ବର୍ଷାରେ ଘର ଭାଙ୍ଗିଥିବା ପରିବାର ଗୁଡିକୁ ପଲିଥିନ ବାଣ୍ଟିବା ସମୟରେ ଅସନପାଟ ସମିତି ସଭ୍ୟା ଜୟନ୍ତ୍ରୀ ମହାକୁଡ ଉପସ୍ଥିତ ଥିଲେ। ଲଘୁଚାପ ବର୍ଷାରେ ବିଶେଷ ଭାବରେ ଘର ଭାଙ୍ଗିଥିବା ୮ଟି ପରିବାରକୁ ପ୍ରଥମ ପର୍ଯ୍ୟାୟରେ ପଲିଥିନ ପ୍ରଦାନ କରାଯାଇଥିଲା। ତେବେ ଅଳ୍ପକ୍ଷତି ଗ୍ରସ୍ଥ ହୋଇଥିବା ପରିବାରଗୁଡିକୁ ଚିହ୍ନଟ କରି ଦ୍ୱିତୀୟ ପର୍ଯ୍ୟାୟରେ ପଲିଥିନ ବଣ୍ଟନ କରାଯିବ ବୋଲି ଚଉଠିଆ ରାଜସ୍ୱ ଅଧିକାରୀ ଶ୍ରୀ ଦାସ ସୂଚନା ଦେଇଛନ୍ତି।
Comments are closed.