ନୂଆଦିଲ୍ଲୀ/ଇସଲାମାବାଦ : ପଞ୍ଜାବ ଗୁରଦାସପୁର ଜିଲାର ସୀମାଞ୍ଚଳ ସହ ପାକିସ୍ତାନ ସ୍ଥିତ କରତାରପୁର ସାହିବ ଗୁରୁଦ୍ୱାରାକୁ ସଂଯୋଗ କରିବା ପାଇଁ ପ୍ରସ୍ତାବିତ କରତାରପୁର କରିଡ଼ର ନିର୍ମାଣକୁ ନେଇ ଆଶଙ୍କା ପ୍ରକାଶ ପାଇଛି। ଏହି କରିଡ଼ର ନିର୍ମାଣ ପାଇଁ ସବୁଜ ସଂକେତ ଦେଇଥିବା ପ୍ରଧାନମନ୍ତ୍ରୀ ଇମ୍ରାନ ଖାଁଙ୍କୁ ପାକିସ୍ତାନରେ ବିରୋଧ କରାଯାଇଛି। ପାକିସ୍ତାନସ୍ଥିତ ବିଭିନ୍ନ ଇସଲାମିକ ସଂଗଠନ ଏନେଇ ପାକିସ୍ତାନ ପ୍ରଧାନମନ୍ତ୍ରୀଙ୍କୁ ବିରୋଧ କରିଛନ୍ତି। ଜମିୟତ ଉଲେମା-ଏ ଇସଲାମ-ଏକର ମୁଖ୍ୟ ମୌଲାନା ଫଜଲୁର ରହମାନ କହିଛନ୍ତି ଯେ ସଂସଦକୁ ବିଶ୍ବାସକୁ ନନେଇ ଇମ୍ରାନ ଖାନ କରତାରପୁର କରିଡ଼ର ନିର୍ମାଣ ପାଇଁ ସବୁଜ ସଂକେତ ଦେଇଛନ୍ତି। ତେଣୁ ଏହାକୁ ଆମେ ବିରୋଧ କରୁଛୁ। ଅନ୍ୟ ରାଷ୍ଟ୍ରଙ୍କୁ ଖୁସି କରିବା ପାଇଁ ଇମ୍ରାନ ଏହି କରିଡ଼ର ଖୋଲିବାକୁ ନିଷ୍ପତ୍ତି ନେଇଛନ୍ତି। ଇମ୍ରାନଙ୍କୁ ଏହି ପଦକ୍ଷେପର ମୂଲ୍ୟ ଦେବାକୁ ପଡ଼ିବ। ଉଲ୍ଲେଖଯୋଗ୍ୟ ଯେ ଇମ୍ରାନ ଖାନ ଗତ ବୁଧବାର ନିଜ ଦେଶ ପଟୁ କରତାରପୁର କରିଡର ପାଇଁ ଭିତ୍ତିପ୍ରସ୍ତର ସ୍ଥାପନ କରିଛନ୍ତି। ଭାରତ ପକ୍ଷରୁ କେନ୍ଦ୍ରମନ୍ତ୍ରୀ ହର୍ସିମ୍ରତ୍ କାଉର ବାଦଲ ଓ ହରଦୀପ ସିଂହ ପୁରିଙ୍କ ସହିତ ପଞ୍ଜାବ ମନ୍ତ୍ରୀ ନବଜୋତ ସିଂହ ସିଧୁ ଏବଂ ପାକିସ୍ତାନ ସେନାଧ୍ୟକ୍ଷ ଜେନେରାଲ କାମାର ଜାଭେଦ ବାଜୱା ପ୍ରମୁଖଙ୍କ ଉପସ୍ଥିତିରେ ଏହି ବହୁ ଆକାଙ୍କ୍ଷିତ କାର୍ଯ୍ୟ ସମାପନ ହୋଇଥିଲା। ଏହି ଅବସରରେ ଉଦ୍ବୋଧନ ଦେଇ ଇମ୍ରାନ ଖାଁ ଭାରତ ସହିତ ଶାନ୍ତି କଥାବାର୍ତ୍ତା ପ୍ରସଙ୍ଗ ଉତ୍ଥାପନ କରିଥିଲେ। ଏବେ ପାକିସ୍ତାନ ଭିତରେ ବିରୋଧର ସ୍ୱର ଯୋଗୁଁ କରିଡ଼ର ନିର୍ମାଣକୁ ନେଇ ଆଶଙ୍କା ପ୍ରକାଶ ପାଇଛି।
Popular Categories
Previous article
Next article