ଆତଙ୍କୀ ଧମକ – ଆମେରିକାରେ ଭାରତୀୟ ବଂଶୋଦ୍ଭବ ମହିଳା ଗିରଫ

ଡେସ୍କ: ରିଦ୍ଧି ପଟେଲ ନାମକ ଜଣେ ଭାରତୀୟ ବଂଶୋଦ୍ଭବ ମହିଳାଙ୍କୁ ଆମେରିକାରେ ଗିରଫ କରାଯାଇଛି। କାଲିଫର୍ଣ୍ଣିଆର ବେକରଫିଲ୍ଡର ମେୟରଙ୍କ ବିରୋଧରେ ସେ ଆତଙ୍କୀ ଧମକ ଦେଇଥିବା ଅଭିଯୋଗ ହୋଇଛି। ବୁଧବାର ସିଟି କାଉନସିଲ ବୈଠକରେ ଯୋଗଦେଇ ରିଦ୍ଧି ପଟେଲ ଇସ୍ରାଏଲ-ହମାସ ବିବାଦ ପାଇଁ ଅସ୍ତ୍ରବିରତି ପ୍ରସ୍ତାବକୁ ସମର୍ଥନ ନ କରିବା ପାଇଁ ଅଧିକାରୀମାନଙ୍କୁ କଡ଼ା ସମାଲୋଚନା କରିଛନ୍ତି।

ଆପଣ ମନା କରନ୍ତୁ, ଆମେ ନିଷ୍ପତ୍ତି ନେବୁ – ହାଇକୋର୍ଟ

ରିଦ୍ଦିଙ୍କ ଭାଷଣର ଏକ ଭିଡିଓ ଇଣ୍ଟରନେଟରେ ଭାଇରାଲ ହୋଇଥିଲା। ସେ ତାଙ୍କ ଭାଷଣରେ କହିଛନ୍ତି, “ମୁଁ ଆପଣମାନଙ୍କୁ ମନେ ପକାଇ ଦେଉଛି ଯେ ଆମେ ଯେଉଁ ଛୁଟି ପାଳନ କରୁଛୁ, ବିଶ୍ୱର ଅନ୍ୟ ଲୋକମାନେ ସେମାନଙ୍କ ଅତ୍ୟାଚାରକାରୀଙ୍କ ବିରୋଧରେ ହିଂସାତ୍ମକ ବିପ୍ଳବରେ ବିଶ୍ୱାସ କରନ୍ତି ଏବଂ ମୁଁ ଆଶା କରୁଛି ଯେ ଦିନେ କେହି ଗିଲୋଟିନ୍ ଆଣି ସମସ୍ତଙ୍କୁ ହତ୍ୟା କରିବ।

ଏନଡିଟିଭି ରିପୋର୍ଟ ଅନୁଯାୟୀ, ଭାରତୀୟ ବଂଶୋଦ୍ଭବ ମହିଳା ସେଦିନ ସନ୍ଧ୍ୟାରେ ସିଟି କାଉନସିଲକୁ ଦେଇଥିବା ଦୁଇଟି ପୃଥକ ଭାଷଣରେ ଏହି ଧମକ ଦେଇଥିଲେ। ଅସ୍ତ୍ରବିରତି ପ୍ରସ୍ତାବକୁ ସମର୍ଥନ ଜଣାଇ ସେ ତାଙ୍କ ଭାଷଣ ଆରମ୍ଭ କରିଥିଲେ କିନ୍ତୁ ପରିଷଦ ସଦସ୍ୟମାନଙ୍କୁ “ଭୟଙ୍କର ମଣିଷ” ବୋଲି କହିଥିଲେ।

ବେକରଫିଲ୍ଡ ମେୟର କାରେନ୍ ଗୋହ ରିଦ୍ଧିଙ୍କ ବୟାନ ଉପରେ ପ୍ରତିକ୍ରିୟା ରଖି ଉପସ୍ଥିତ ପୁଲିସ ଅଧିକାରୀଙ୍କୁ କାର୍ଯ୍ୟାନୁଷ୍ଠାନ ଗ୍ରହଣ କରିବାର ଆବଶ୍ୟକତା ରହିଛି ବୋଲି ସଙ୍କେତ ଦେଇଛନ୍ତି। ରିଦ୍ଧିଙ୍କୁ ଚାମ୍ବରରୁ ବାହାରକୁ ଆଣି ପୁଲିସ ଅଟକ ରଖିଥିଲା।

ବେକରଫିଲ୍ଡ ପୁଲିସର କହିବା ଅନୁଯାୟୀ, ରିଦ୍ଧିଙ୍କ ବିରୋଧରେ ୧୬ଟି ଅପରାଧିକ ମାମଲା ରହିଛି, ଯେଉଁଥିରେ ଆତଙ୍କିତ କରିବା ଉଦ୍ଦେଶ୍ୟରେ ଧମକ ଦେବା ଏବଂ ସହରର ଅଧିକାରୀମାନଙ୍କୁ ଟାର୍ଗେଟ କରିବା ଆଦି ରହିଛି।

Bakersfield, Calif. — A prominent local far-left Indian-American activist threatened to kill city council members at their own homes during a speech on April 10. Riddhi Patel is a prison abolitionist, like Antifa ideologues, and is involved in local black and brown “abolitionist”… pic.twitter.com/bFur67f91D

— Andy Ngô 🏳️‍🌈 (@MrAndyNgo) April 12, 2024