ଲିଡ୍ସ (ହେଡିଂଲି) : ଘରୋଇ ଇଂଲଣ୍ଡ ବିପକ୍ଷରେ ଟେଷ୍ଟ ମ୍ୟାଚ୍ ଖେଳିବା ପାଇଁ ଭାରତୀୟ କ୍ରିକେଟ୍ ଦଳ ରବିବାର ହେଡିଂଲିରେ ପହଞ୍ଚିଛି। ସ୍ଥାନୀୟ ଲିଡ୍ସ କ୍ରିକେଟ୍ ଗ୍ରାଉଣ୍ଡରେ ବୁଧବାରଠାରୁ ଭାରତ-ଇଂଲଣ୍ଡ ୩ୟ ଟେଷ୍ଟ ମ୍ୟାଚ୍ ଖେଳାଯିବ। ସୋମବାର ଭାରତୀୟ ଦଳ ଅଭ୍ୟାସ କରିବାକୁ ଓହ୍ଲାଇବ । ୨ୟ ଟେଷ୍ଟରେ ପ୍ରଥମ ୪ ଦିନ ଇଂଲଣ୍ଡ ଦଳ ସୁବିଧାଜନକ ସ୍ଥିତିରେ ଥିବା ବେଳେ ଅନ୍ତିମ ଦିନରେ ଭାରତୀୟ ଦଳ ଚମତ୍କାର ଭାବେ ପ୍ରତ୍ୟାବର୍ତ୍ତନ କରି ମ୍ୟାଚ୍ ଜିତିଥିଲା। ୫ ମ୍ୟାଚ୍ର ସିରିଜ୍ରେ ଭାରତ ଏବେ ୧-୦ରେ ଆଗୁଆ ରହିଛି। ଏଣେ ଇଂଲଣ୍ଡ ଦଳ ମଧ୍ୟ ରବିବାର ଲିଡ୍ସରେ ପହଞ୍ଚିଛି । ସେମାନଙ୍କର ଅଭ୍ୟାସ ସୋମବାରଠାରୁ ଆରମ୍ଭହେବ। ଇଂଲଣ୍ଡ ଦଳ ମୁଖ୍ୟ ପ୍ରଶିକ୍ଷକ କ୍ରିସ୍ ସିଲ୍ଭରଉଡ୍ ଇଂଲଣ୍ଡର ୧୫ ଜଣିଆ ଦଳରେ ଉପର ଅର୍ଡରର ବ୍ୟାଟ୍ସମ୍ୟାନ୍ ଡାୱିଡ୍ ମାଲାନ୍ ଓ ପେସ୍ ବୋଲର ସାକିବ୍ ମେହ୍ମୁଦଙ୍କୁ ସାମିଲ କରିଛି । ଦୀର୍ଘ ୩ ବର୍ଷ ପରେ ବାମହାତି ମାଲାନ୍ ଟେଷ୍ଟ ଦଳକୁ ଫେରିଛନ୍ତି। ସାକିବ୍ ମେହ୍ମୁଦ ଟେଷ୍ଟ କ୍ରିକେଟ୍ ଖେଳିନଥିଲେ ମଧ୍ୟ ଧଳା ବଲ୍ କ୍ରିକେଟ୍ରେ ଭଲ ପ୍ରଦର୍ଶନ କରିଛନ୍ତି। ତା’ର ବ୍ୟାଟିଂକୁ ନେଇ ଇଂଲଣ୍ଡ ବହୁତ ଚିନ୍ତିତ। ଜୋ ରୁଟ୍ଙ୍କୁ ଛାଡ଼ି କୌଣସି ବ୍ୟାଟ୍ସମ୍ୟାନ୍ ଭାରତୀୟ ବୋଲରଙ୍କର ସଠିକ୍ ଭାବେ ମୁକାବିଲା କରି ପାରିନାହାନ୍ତି ।
Popular Categories
Previous article
Next article