ଭୁବନେଶ୍ୱର ବିମାନ ବନ୍ଦର କ୍ଷମତା ବୃଦ୍ଧି ଶିଳାନ୍ୟାସ ଉତ୍ସବ ଅନୁଷ୍ଠିତ

ଭୁବନେଶ୍ୱର: ବିଜୁ ପଟ୍ଟନାୟକ ଅନ୍ତଃରାଷ୍ଟ୍ରୀୟ ବିମାନ ବନ୍ଦରର କ୍ଷମତା ବୃଦ୍ଧି ପାଇଁ ଲିଙ୍କ୍‍ ବିଲ୍‍ଡିଂ ସମାନ୍ତରାଳ ଟ୍ୟାକ୍ସି ଟ୍ରାକ୍‍ ଏବଂ ଅତିରିକ୍ତ ପାର୍କିଂ ବେଜର ନିର୍ମାଣ କାର୍ଯ୍ୟର ଶିଳାନ୍ୟାସ ଉତ୍ସବ ଅନୁଷ୍ଠିତ ହୋଇଯାଇଛି। ଏହି ଉତ୍ସବରେ କେନ୍ଦ୍ର ବାଣିଜ୍ୟ ଓ ଉଦ୍ୟୋଗ ତଥା ବେସାମରିକ ଉଡ଼ାଣ ମନ୍ତ୍ରୀ ସୁରେଶ ପ୍ରଭୁ, କେନ୍ଦ୍ର ଜନଜାତି ବ୍ୟାପାର ମନ୍ତ୍ରୀ ଜୁଏଲ୍‍ ଓରାମ ଓ କେନ୍ଦ୍ର ପେଟ୍ରୋଲିୟମ୍‍, ପ୍ରାକୃତିକ ଗ୍ୟାସ୍‍, କୌଶଳ ବିକାଶ ଓ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ପ୍ରମୁଖ ଯୋଗ ଦେଇଥିଲେ। ଏହା ଦ୍ୱାରା ଉଡ଼ାଜାହାଜ ସଂଚାଳନ କ୍ଷମତା ଘଣ୍ଟା ପ୍ରତି ୧୨ ରୁ ୨୫ ମୁଭମେଣ୍ଟସକୁ ବୃଦ୍ଧି ପାଇବା ସହ ଆଠ କୋଡ଼ – ସି ଉଡ଼ାଜାହାଜ ମଧ୍ୟ ଅବତରଣ କରିପାରିବ। ଏଥିପାଇଁ ୧୪୭ କୋଟି ଟଙ୍କା ବ୍ୟୟ ବରାଦ କରାଯାଇଥିବା ବେଳେ ଯାତ୍ରୀ ସଞ୍ଚାଳନ କ୍ଷମତା ବାର୍ଷିକ ୩.୫ ନିୟୁତ ପର୍ଯ୍ୟନ୍ତ ବୃଦ୍ଧି ପାଇଁ ୮୭ କୋଟି ଟଙ୍କା ବ୍ୟୟ ବରାଦ ହୋଇଥିବା ଜଣାପଡିଛି।