ଗୋପାଳପୁର: ଗୋପାଳପୁର ଥାନା ଅଞ୍ଚଳରେ ଶୁକ୍ରବାର ବିଳମ୍ବିତ ରାତିରେ ମୋରମ ଚୋରା ଚାଲାଣ ଅଭିଯୋଗରେ ପୁଲିସ ୨ଟି ଟିପର, ଗୋଟେ ହାଇୱା ଓ ଜେସିବି ଜବତ କରିଛି। ବିକ୍ରମପୁରରୁ ବେଆଇନ ଭାବେ ମୋରମ ଚାଲାଣ ହୋଉଥିବା ନେଇ ବିଜେପି କରାପଲ୍ଲୀ ମଣ୍ଡଳ ସଭାପତି ଏମ. ସାଗରଙ୍କୁ ଖବର ମିଳିଥିଲା। ସେ କିଛି କର୍ମୀଙ୍କ ସହ ମିଶି ଗାଡ଼ିଗୁଡ଼ିକୁ ଅଟକାଇବା ସହିତ ପୁଲିସକୁ ଖବର ଦେଇଥିଲେ। ଯାଞ୍ଚ ସମୟରେ ଡ୍ରାଇଭରଙ୍କ ନିକଟରୁ ମିଳିଥିବା କେ ଫର୍ମଗୁଡ଼ିକ ନୂଆଗଡ କୁଆଁରୀରୁ ଗୋପାଳପୁର ପୋର୍ଟକୁ ମୋରମ ଚାଲାଣ ନିମନ୍ତେ ରହିଥିବା ଦେଖିବାକୁ ମିଳିଥିଲା। ଥାନା ଅଧିକାରୀ ପ୍ରଶାନ୍ତ କୁମାର ମଲ୍ଲିକଙ୍କ ସୂଚନା ଆଧାରରେ ଖଣି ବିଭାଗ ଅଧିକାରୀ ପହଞ୍ଚି ଯାଞ୍ଚ କରିଥିଲେ। ତଦନ୍ତ ପରେ ଜରିମାନା ଆଦାୟ କରାଯିବ ବୋଲି ଖଣି ଅଧିକାରୀ କହିଛନ୍ତି। ଏମ.ସାଗରଙ୍କୁ ଧମକ ଦିଆଯାଇଥିବା ନେଇ ଥାନାରେ ଲିଖିତ ଅଭିଯୋଗ କରାଯାଇଛି। ଘଟଣା ନେଇ ଖଣି ଅଧିକାରୀ ଦିପକ ଜେନାଙ୍କ ସହ ଯୋଗାଯୋଗ ବେଳେ ସେ ସୂଚନା ଦେଇଛନ୍ତି ଯେ, ଅଭିଯୋଗ ପାଇବା ପରେ ଯାଞ୍ଚ କରାଯାଉଛି। ଏହାର ଏକ ରିପୋର୍ଟ ପ୍ରସ୍ତୁତ କରି ଉପରିସ୍ଥ ଅଧିକାରୀଙ୍କୁ ଦିଆଯିବ। ଏହା ପରେ ଯାହା ନିଷ୍ପତ୍ତି ନିଆଯିବ।
Comments are closed.