ନୂଆଦିଲ୍ଲୀ : ସୋସିଆଲ ମିଡିଆ ଦୁନିଆରେ କେତେବେଳେ କେଉଁ ଘଟଣା ଦେଖିବାକୁ ମିଳିବ ତାହା କହିବା ମୁସ୍କିଲ। ବେଳେ ବେଳେ ଏମିତି ଫଟୋ ଦେଖିବାକୁ ମିଳେ ଯାହା ବିଶ୍ୱାସ କରି ହେବ ନାହିଁ। ଏବେ ଏଭଳି ହିଁ ଏକ ଫଟୋ ଶେୟାର କରାଯାଇଛି, ଯାହାକୁ ଦେଖି ନିଶ୍ଚୟ ଚମକି ପଡିବେ। ମନରେ ପ୍ରଶ୍ନ ମଧ୍ୟ ଆସିବ ସତରେ କ’ଣ ଏମିତି ହୋଇପାରେ?ଯଦି ଆପଣଙ୍କୁ କୁହାଯିବ ଏକ କୁକୁରକୁ ଚୌକିଦାର ଚାକିରି ମିଳିଛି। କ’ଣ ବିଶ୍ୱାସ କରିବେ କି? ଜାଣନ୍ତୁ ଏହି ଘଟଣା ବିଷୟରେ..
କାର୍ କମ୍ପାନୀ ହୁଣ୍ଡାଇର ଶୋରୁମ୍ ବାହାରେ ଏକ କୁକୁର ନିୟମିତ ଆସେ। ଏହାସହ ସେଠାରେ ରୁହେ। ଏପରି କୌଣସି ଦିନ ନାହିଁ ଯେଉଁଦିନ ସେ ଆସି ନାହିଁ। ଅନ୍ୟ କର୍ମଚାରୀଙ୍କ ଆସିବା ଭଳି ସେ ମଧ୍ୟ ଆସେ। କୁକୁର ଏଭଳି ବ୍ୟବହାର ଦେଖି ଲୋକେ ଆଶ୍ଚର୍ଯ୍ୟ ହୋଇଥିଲେ।
କିଛି ଦିନ ଧରି ଲଗାତାର କୁକୁରର ଏଭଳି ବ୍ୟବହାର ଦେଖିବା ପରେ ଶୋରୁମର ବରିଷ୍ଠ କର୍ମଚାରୀ ନିଷ୍ପତ୍ତି ନେଇଥିଲେ, କୁକୁରକୁ କମ୍ପାନୀର କର୍ମଚାରୀ କରିବା ପାଇଁ। ଏକ ଆଇଡି କାର୍ଡ ସହ ଅନ୍ୟ ସମସ୍ତ ସୁବିଧା ଦେବା ଉଚିତ୍। କୁକୁରକୁ କର୍ମଚାରୀ କରିବା ପରେ କମ୍ପାନୀର ବରିଷ୍ଠ କର୍ମଚାରୀ ତା’କୁ ଆଶ୍ରୟ, ଭୋଜନ ଓ ଅନ୍ୟ ଜରୁରୀ ଜିନିଷ ଯୋଗାଇଛନ୍ତି।
