ଅଲୱାର୍ : ନିଜ ପତ୍ନୀଙ୍କ ଇଚ୍ଛା ପୂରଣ କରିବା ପାଇଁ, ଜଣେ ବ୍ୟକ୍ତି ସ୍କୁଟି ଏକ ସ୍କୁଟି ଚୋରି କରି ଧରା ପଡ଼ିବା ଘଟଣା ଅଲୱାର ପୁଲିସକୁ ଚକିତ କରିଛି । କେବଳ ସେତିକି ନୁହେଁ, ଏଥିପାଇଁ ପୁଲିସ ସମ୍ପୃକ୍ତ ଚୋରକୁ କଠୋର ଦଣ୍ଡ ଦେବାକୁ ଅଦାଲତକୁ ସୁପାରିସ କରିଛି ।
ପୁଲିସ ସୂତ୍ରରୁ ମିଳିଥିବା ସୂଚନା ଅନୁସାରେ ସଂପୃକ୍ତ ଯୁବକଙ୍କ ପତ୍ନୀ ଏକ ସ୍କୁଟି ଲାଗି ଜିଦ୍ ଧରିଥିଲେ । ହେଲେ ସ୍ବାମୀଙ୍କ ପାଖରେ ସ୍କୁଟି କିଣିବାକୁ ଟଙ୍କା ନ ଥିଲା । ତେଣୁ ସେ ପରିବା ବଜାରରେ ପହଞ୍ଚିଥିଲେ ଓ ସେଠାରୁ ଏକ ସ୍କୁଟି ଚୋରି କରି ଘରକୁ ନେଇ ଆସିଥିଲେ । ଏହାର ନମ୍ବର ବଦଳାଇ ନିଜ ପତ୍ନୀଙ୍କୁ ଚଳାଇବାକୁ ଦେଇଥିଲେ । ସ୍ବାମୀ ଆଣି ଦେଇଥିବା ସ୍କୁଟି ଚଢ଼ି ମହିଳା ଜଣକ ଚକ୍କର ଲଗାଉଥିବାବେଳେ ଜଣେ କନଷ୍ଟେବଳଙ୍କ ନଜରରେ ପଡ଼ିଥିଲେ । ସମ୍ପୃକ୍ତ ପୁଲିସ କର୍ମଚାରୀଙ୍କୁ ସ୍କୁଟିର ନମ୍ବର ଗଡ଼ବଡ଼ ହୋଇଥିବା ଲାଗିଲା । ସେ ଯେତେବେଳେ ଏହାକୁ ଯାଞ୍ଚ କଲେ ସବୁକଥା ଜଣାପଡ଼ିଲା । ଶେଷରେ ସ୍କୁଟି ଚୋର ସ୍ବାମୀ ଓ ତାଙ୍କର ପତ୍ନୀଙ୍କୁ ପୁଲିସ ଗିରଫ କରିଛି ।
