ସମାଜଲାଇଭ ଡେସ୍କ: ଓଡ଼ିଶାର ପ୍ରଖ୍ୟାତ ଲୋକପ୍ରିୟ ଯୁବ କଣ୍ଠଶିଳ୍ପୀ ହ୍ୟୁମାନ ସାଗରଙ୍କ ସ୍ବାସ୍ଥ୍ୟାବସ୍ଥା ସଙ୍କଟାପନ୍ନ ରହିଛି। ଏ ନେଇ ଭୁବନେଶ୍ଵର ଏମସ ପକ୍ଷରୁ ରବିବାର ସୂଚନା ଦିଆଯାଇଛି। ତାଙ୍କୁ ଆଇସିୟୁ ଭିତରେ ରଖି ଡାକ୍ତର ଶ୍ରୀକାନ୍ତ ବେହେରାଙ୍କ ତତ୍ତ୍ଵାବଧାନରେ ଚିକିତ୍ସା କରାଯାଉଛି।
ପରୀକ୍ଷା ନିରୀକ୍ଷା ପରେ ହ୍ୟୁମାନଙ୍କ ଏକାଧିକ ଅଙ୍ଗ କାର୍ଯ୍ୟ କରୁ ନ ଥିବାର ଲକ୍ଷଣ ଦେଖିବାକୁ ମିଳିଛି। ତା’ ଛଡ଼ା ଶ୍ଵାସକ୍ରିୟାଜନିତ ସମସ୍ୟା, କିଡନୀ, ଲିଭର ଅଚଳ ହେବାର ସମସ୍ୟା, ରକ୍ତଜମାଟ ବାନ୍ଧିବା ସମସ୍ୟା ଆଦି ରହିଛି। ସେହିପରି ବାଇଲାଟେରାଲ ନିମୋନିଆ, ଡାଇଲେଟେଡ କାର୍ଡିଓମାୟୋପାଥି ଲକ୍ଷଣ ଦେଖାଯାଇଛି।
- Advertisement -
ବର୍ତ୍ତମାନ ସମୟରେ ତାଙ୍କ ସ୍ଵାସ୍ଥ୍ୟାବସ୍ଥା ଅତ୍ୟନ୍ତ ଜଟିଳ ରହିଛି। ଶ୍ଵାସକ୍ରିୟା ସମସ୍ୟା ଯୋଗୁ ଭେଣ୍ଟିଲେଟର ସପୋର୍ଟରେ ରଖାଯାଇଛି। କିଡନୀ ଅଚଳ ହୋଇପଡ଼ିବାରୁ ସିଆରଆରଟି ଡାୟାଲିସିସ କରାଯାଉଛି। ବିଭିନ୍ନ ବିଭାଗର ବିଶେଷଜ୍ଞ ଡାକ୍ତରମାନେ ତାଙ୍କ ଚିକିତ୍ସାରେ ଲାଗିଛନ୍ତି।
