ହରଭଙ୍ଗା : ହରଭଙ୍ଗା ବ୍ଲକର ପୃଥକ ପୃଥକ ଦୁଇଟି ସ୍ଥାନରେ ବୁଧବାର ଅବକାରୀ ବିଭାଗ ଚଢଉକରି ୪୦ଲିଟର ଦେଶୀ ମହୁଲି ମଦ ସହ ୮କ୍ୱିଂଟାଲ ମହୁଲ ପୋଚ ନଷ୍ଟ କରିଛି। ଏହି ଘଟଣାରେ ଜଣଙ୍କୁ ଗିରଫ କରିଥିବା ସୂଚନା ମିଳିଛି। ସୂଚନାଅନୁସାରେ ପୁରୁଣାକଟକ ଥାନା ଅର୍ନ୍ତଗତ ମାଧପୁରରେ ଅବକାରୀ ବିଭାଗ ପ୍ରଥମେ ଚଢଉ କରିଥିଲା। କିର୍ତନ ମଲ୍ଲିକଙ୍କ ଠାରୁ ୧୦ଲିଟର ଦେଶୀ ମହୁଲି ମଦ ଜବତ କରିବା ସହିତ ତାଙ୍କୁ ଗିରଫ କରିଥିଲା। ଦ୍ୱିତୀୟ ଦଫାରେ ହରଭଙ୍ଗା ଥାନା ଅର୍ନ୍ତଗତ ଘୋରଡାମୁଣ୍ଡା ନାଳରେ ଚଢଉକରି ୩୦ଲିଟର ହାତରନ୍ଧା ଦେଶୀ ମହୁଲି ମଦ ସହ ୮କ୍ୱିଂଟାଲ ମହୁଲ ପୋଚ ସାଙ୍ଗକୁ ମଦ ପ୍ରସ୍ତୁତରେ ବ୍ୟବହାର କିଛି ରସ ଡେକଚି ଜବତ କରିଥିଲା। ଏହି ଘଟଣାରେ କାହାରିକୁ ଗିରଫ କରାଯାଇ ନାହିଁ। ହରଭଙ୍ଗା ଅବକାରୀ ଥାନା ପକ୍ଷରୁ ୨/୨୩ ଏବଂ ୩/୨୩ରେ ଦୁଇଟି ଦୁଇଟି ପୃଥକ ପୃଥକ ମାମଲା ରୁଜୁ କରାଯାଇଛି। ଗିରଫ ଅଭିଯୁକ୍ତ କିର୍ତନଙ୍କୁ କୋର୍ଟଚାଲାଣ କରାଯାଇଥିବା ହରଭଙ୍ଗା ଅବକାରୀ ଇନିସପେକ୍ଟର ଅଞ୍ଜନ କୁମାର ଜେନା ସୂଚନା ଦେଇଛନ୍ତି। ଏହି ଚଢଉ ବେଳେ ତାଙ୍କ ସହିତ ଅବକାରୀ କନଷ୍ଟେବଲ ପ୍ରଫୁଲ ଭୋକ୍ତା,ସୁଜିତ କୁମାର ସାହୁ,ଲୋକନାଥ ଭୋଇ ପ୍ରମୁଖ ସାମିଲ ଥିଲେ।
Comments are closed.