ହରଭଙ୍ଗା :ବୌଦ୍ଧ ଜ଼ିଲ୍ଲା ମାଧପୁର ରେଞ୍ଜ ତଳଗାଁ ଫରେଷ୍ଟ ସେକ୍ସନ ଗଣ୍ଡା ପାଜୁ ଗ୍ରାମରୁ ଏକ ହରିଣ ଶାବକ ବନ ବିଭାଗ ଉଦ୍ଧାର କରିଥିବା ଜଣା ପଡିଛି । ସୂଚନା ଅନୁଯାଇ ଗଣ୍ଡ।ପାଜୁ ଗ୍ରାମର ଅବଧୂତ ଭୋଇ ( ୫୨ )ଜଙ୍ଗଲରେ ଗାଈ ଚରାଉଥିବା ସମୟରେ ଏକ ହରିଣ ଶାବକ ଗାଈ ଗୋଠକୁ ଦୌଡ଼ି ଆସିଥିଲା। ଗାଈ ଗୋଠରୁ କୁଆଡେ ନ ଯିବାରୁ ତାକୁ କାଳେ କୁକୁର ବିଲୁଆ ଖାଇଯିବ ଭାବି ଅବଧୂତ ହରିଣ ଶାବକକୁ ଧରି ନିଜ ଘରକୁ ଆଣି କ୍ଷୀର ଖାଇବାକୁ ଦେଇ ସାଇତି ରଖିଥିଲେ । ଏବଂ ପରେ ମାଧପୁର ବନାଞ୍ଚଳ ଅଧିକାରୀ ଆଶିଷ କୁମାର ଦିଗାଲଙ୍କୁ ଖବର ଦିଆଯାଇଥିଲା । ଖବର ପାଇ ସୋମବାର ସକାଳୁ ମାଧପୁର ବନାଞ୍ଚଳର ଫରେଷ୍ଟର ସୁଶୀଲ କୁମାର ହୋତା, ଅଭିମନ୍ୟୁ ମହାନ୍ତି, ଦୀପକ କୁମାର ପ୍ରଧାନଙ୍କ ସମେତ ଟିମ ପହଂଚି ଶ୍ରୀ ଭୋଇଙ୍କ ଠାରୁ ହରିଣ ଶାବକ ଉଦ୍ଧାର କରି ଆଣିଥିବା ବେଳେ ଏ ବାବଦରେ ତଳଗାଁ ଫରେଷ୍ଟର ଅଭିମନ୍ୟୁ ମହାନ୍ତିଙ୍କୁ ପଚାରିବାରୁ ଶାବକଟି ବେଶ ସୁସ୍ଥ ଥିବାର ଜଣା ପଡୁଛି । ପ୍ରଥମେ ଶାବକଟିକୁ ପ୍ରାଣୀ ଚିକିତ୍ସା କେନ୍ଦ୍ରକୁ ନେଇ ସ୍ୱାସ୍ଥ୍ୟ ପରୀକ୍ଷା କରାଯିବ ଏବଂ ଡ଼ିଏଫଓଙ୍କ ନିର୍ଦେଶ ଅନୁସାରେ ସୁରକ୍ଷିତ ଜଙ୍ଗଲ ସ୍ଥାନରେ ଛଡାଯିବ ବୋଲି ସୂଚନା ଦେଇଛନ୍ତି।
Comments are closed.