ହରଭଙ୍ଗା: ହରଭଙ୍ଗା ବ୍ଲକ ଅନ୍ତର୍ଗତ ଆଡେନିଗଡ଼ ଗ୍ରାମପଞ୍ଚାୟତରେ ବୌଦ୍ଧ ଜିଲ୍ଲା କଂଗ୍ରେସ ତରଫରୁ ଘରେ ଘରେ ହାତ, ଘରେ ଘରେ କଂଗ୍ରେସ କାର୍ଯ୍ୟକ୍ରମ ଜିଲ୍ଲା ସଭାପତି ନବ କୁମାର ମିଶ୍ରଙ୍କ ଉପସ୍ଥିତିରେ ଅନୁଷ୍ଠିତ ହୋଇଯାଇଛି। ଶହ ଶହ କର୍ମୀଙ୍କ ଗହଣରେ ଆଡେଣିଗଡ଼, ରାଣୀ ଗଞ୍ଜ, ସୁରୁତା ଗଣ୍ଡା, ଗୋଛାବାରୀ ଆଦି ଗ୍ରାମଗୁଡ଼ିକରେ ଘରକୁ ଘର ଯାଇ ରାହୁଲ ଗାନ୍ଧୀଙ୍କ ବାର୍ତ୍ତା ପହଞ୍ଚାଇବା ସହିତ ଦେଶ ଏବଂ ରାଜ୍ୟ ବିରୋଧି ଉଭୟ ବିଜେପି, ବିଜେଡିର କୁଶାସନରୁ ଦେଶବାସୀଙ୍କୁ ରକ୍ଷା କରିବାକୁ ହେଲେ କଂଗ୍ରେସ ଦଳ ହିଁ ବର୍ତମାନ ପାଇଁ ଏକମାତ୍ର ବିକଳ୍ପ ବୋଲି ଏକ ପଞ୍ଚାୟତସ୍ତରୀୟ ସଭାରେ ଜିଲ୍ଲା ସଭାପତି ତାଙ୍କ ବକ୍ତବ୍ୟ ରଖିଥିଲେ। ଆଜିର ଏହି କାର୍ଯ୍ୟକ୍ରମରେ ଜିଲ୍ଲା ସଭାପତିଙ୍କ ବ୍ୟତୀତ ଜିଲ୍ଲା ମୁଖ୍ୟ ମୁଖପାତ୍ର ଶାନ୍ତନୁ କୁମାର ମହାପାତ୍ର, ଜିଲ୍ଲା କଂଗ୍ରେସ ଉପସଭାପତି ସମରେଶ ମିଶ୍ର, ଜିଲ୍ଲା ସଂଯୋଜକ ସମରେନ୍ଦ୍ର ମହାକୁଳ, ହରଭଙ୍ଗା ବ୍ଲକ କଂଗ୍ରେସ ସଭାପତି ପଙ୍କଜ କର୍ଣ୍ଣ, ବେଣୁଧର ମେହେର, ୯ ନମ୍ବର ଜୋନର ସଂଯୋଜକ ଗଣେଶ ଲୌରିଆ, ଜିଲ୍ଲା କଂଗ୍ରେସର କିଷାନ ସେଲ ସଂଯୋଜକ ରୋହିତାଶ୍ଵ ବେହେରା, ୮ ନମ୍ବର ଜୋନ ସଂଯୋଜକ ବସନ୍ତ କୁମାର ହୋତାଙ୍କ ସହ ଅନେକ ମହିଳା କର୍ମୀ ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ।
Popular Categories
Previous article
Next article