କଂଟାବାଞ୍ଜି : କଂଟାବାଞ୍ଜି ସହରର କୁରଲିଠାରେ ଥିବା ଭଗବତୀ ପ୍ଲାଏଉଡ ଗୋଦାମ ଏବଂ ମାତା ମନ୍ଦିର ଠାରେ ଥିବା ଦୋକାନରେ ଓ ପାଖରେ ଥିବା ଗୋଦାମ ଘର ରେ ଜିଏସଟିର ବଲାଙ୍ଗିର ନୂଆପଡାର ମିଳିତ ଏନ୍ଫୋର୍ସମେଣ୍ଟ ଟିମ ପକ୍ଷରୁ ଚଢଉ କରାଯାଇଛି। ଭବାନୀପାଟଣା ଜିଏସଟି ଏନଫୋର୍ସମେଣ୍ଟ ମଣ୍ଡଳ ଅଧିନସ୍ଥ ନୂଆପଡା ଡେପୁଟି କମିଶନର ଏବଂ ବଲାଙ୍ଗୀର ଡେପୁଟି କମିଶନରଙ୍କ ନେତୃତ୍ୱରେ ଏକ ସାତଜଣିଆ ଟିମ୍ ଉଭୟ ସ୍ଥାନରେ ପୁଲିସ ଫୋର୍ସ ସହିତ ଚଢଉ କରି ଯାଂଚ ରଖିଥିବା ଡେପୁଟି କମିଶନର ସୂଚନା ଦେଇଛନ୍ତି। ସଂପୃକ୍ତ ବ୍ୟବସାୟୀ ପୂର୍ବରୁ ଟିନ ନମ୍ବର ଓ ଜିଏସ୍ଟି ନମ୍ବରରେ ପୂର୍ବରୁ ଥିବା ସାଇକେଲ ହୋଲ ସେଲର କରୁଥିବା ବେଳେ, ଏବେ ପ୍ଲାଏଉଡ ବ୍ୟବସାୟ କରୁଛନ୍ତି।
ପ୍ରାପ୍ତ ସୂଚନା ମୁତାବକ ଜୈନିକ ଅନ୍ୟଜଣେ ପ୍ଲାଏଉଡ ବ୍ୟବାସାୟୀ ଧିରଜ ଅଗ୍ରୱାଲଙ୍କ ପୁଲିସ ପାଖରେ ଅଭିଯୋଗ କ୍ରମେ ଅଭିଯୋଗକୁ ଆଧାର କରି ଭବାନୀପଟଣା ମଣ୍ଡଳ ଜିଏସଟି ଯୁଗ୍ମ କମିଶନର ଏନଫୋର୍ସମେଣ୍ଟ ନୂଆପଡା ସର୍କଲ ଏବଂ ବଲାଙ୍ଗୀର ଏନଫୋର୍ସମେନ୍ଟ ସର୍କଲ ଅଧିକାରୀ ମାନଙ୍କୁ ନେଇ ଏକ ମିଳିତ ଟିମ୍ ଗଠନ କରିବା ପରେ ଆଜି ଭଗବତୀ ସାଇକେଲ ଷ୍ଟୋର ମାଲିକଙ୍କ କୁର୍ଲି ଏବଂ ମାତାମନ୍ଦିର ପ୍ଲାଏଉଡ ଗୋଦାମ ଏବଂ ଦୋକାନରେ ଅନ୍ୟାନ୍ୟ ସାମଗ୍ରୀର ଷ୍ଟକ ଯାଂଚ କଲାପରେ ସଂଧ୍ୟା ପର୍ଯ୍ୟନ୍ତ ଜୈନିକ ପ୍ଲାଏଉଡ ବ୍ୟବସାୟୀକ ବୟାନ ରେକର୍ଡ କରୁଥିବା ଜଣାପଡିଛି। ଏହି ଚଢଉରେ ଡେପୁଟୀ କମିଶନର ନୂଆପଡା ପ୍ରିୟବ୍ରତ ଗଡତିଆ, ଫକିର ମୋହନ ସତପଥୀ, ଡେପୁଟୀ କମିଶନର ବଲାଙ୍ଗୀର ସର୍କଲ ତଦନ୍ତକାରୀ ଅଫିସର ଆଶିଷ କୁମାର ସାହୁ ରାଜ୍ୟ କର ଅଧିକାରୀ ଦ୍ରବ୍ୟ ଏବଂ ସେବାକର ପ୍ରବର୍ତନ ନିର୍ଦ୍ଦେଶାଳୟ, ବଲାଙ୍ଗିର, ଶୋଭନ ଦାସ ଅତିରିକ୍ତ ରାଜ୍ୟକର ଅଧିକାରୀ ତଥା ଭବାନୀ ପଟେଲ, ଶରତ ସେଠ୍, ସୁନୀଳ କୁମାର ଖାଲକୋ, ଖିରୋଦ ମାଝୀ ଓ ଲକ୍ଷେରାମ ଶବର ଚଢଉରେ ସାମିଲ ଥିଲେ।
Comments are closed.