ନୂଆଦିଲ୍ଲୀ : ଦେଶରେ ବଢ଼ିବାରେ ଲାଗିଛି କରୋନା ସଂକ୍ରମଣ। ଏଭଳି ସମୟରେ କେନ୍ଦ୍ର ସରକାର ଋଣ ବୋଝର ପାହାଡ ତଳେ ଚାପି ହୋଇରହିଛନ୍ତି। ଚଳିତ ଆର୍ଥିକବର୍ଷର ପ୍ରଥମ ତ୍ରୈମାସ(ଏପ୍ରିଲ-ଜୁନ୍)ରେ ସରକାରଙ୍କ ଉପରେ ରହିଥିବା କରଜ ପରିମାଣ କୋଟି ଅତିକ୍ରମ କରିଛି। ସମ୍ପ୍ରତି ପ୍ରକାଶ ପାଇଥିବା ସାର୍ବଜନୀନ ଋଣ ପରିଚାଳନା ରିପୋର୍ଟରୁ ଏହା ଜଣାଯାଇଛି।
ଚଳିତବର୍ଷ ମାର୍ଚ୍ଚ ଶେଷ ସୁଦ୍ଧା ସରକାରଙ୍କ ମୋଟ ଋଣ ପରିମାଣ ୯୪.୬ ଲକ୍ଷ କୋଟି ଟଙ୍କା ରହିଥିଲା। ତେବେ ଜୁନ୍ ଶେଷ ବେଳକୁ ଏହା ୧୦୧.୩ ଲକ୍ଷ କୋଟି ଟଙ୍କାକୁ ବୃଦ୍ଧି ଘଟିଛି। ତେବେ ଏହି ଋଣ ପରିମାଣ ଏତେ ଯେ ଏହା ରିଲାଏନ୍ସ କମ୍ପାନୀ ଆକାରର ଛଅଟି କମ୍ପାନୀର ବଜାର ପୁଞ୍ଜିଠାରୁ ବି ଅଧିକ ହେବ। ବର୍ତ୍ତମାନ ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍(ଆର୍ଆଇଏଲ୍)ର ବଜାର ପୁଞ୍ଜି ୧୬ ଲକ୍ଷ କୋଟି ଟଙ୍କା ରହିଛି।
ସୂଚନାଯୋଗ୍ୟ, ୨୦୧୯ ଜୁନ୍ ଶେଷ ବେଳକୁ ସରକାରଙ୍କ ମୋଟ ଋଣ ପରିମାଣ ୮୮.୧୮ ଲକ୍ଷ କୋଟି ଟଙ୍କା ରହିଥିଲା। ଚଳିତ ଆର୍ଥିକ ବର୍ଷର ପ୍ରଥମ ତ୍ରୈମାସରେ କେନ୍ଦ୍ର ସରକାର ୩,୪୬,୦୦୦ କୋଟି ଟଙ୍କାର ପ୍ରତିଭୂତ୍ତି ଜାରି କରିଛନ୍ତି। ପୂର୍ବ ଆର୍ଥିକବର୍ଷର ଏହି ସମୟରେ ସରକାର ୨,୨୧,୦୦୦ କୋଟି ଟଙ୍କାର ପ୍ରତିଭୂତ୍ତି ଜାରି କରିଥିଲେ। ଚଳିତ ଆର୍ଥିକବର୍ଷର ଏପ୍ରିଲ-ଜୁନ୍ ତଥା ପ୍ରଥମ ତ୍ରୈମାସରେ ସରକାର ୮୦,୦୦୦ କୋଟି ଟଙ୍କାର ନଗଦ ପରିଚାଳନା ବିଲ୍ ଜାରି କରିଛନ୍ତି।
Comments are closed.